На здымку: таямнічая асоба на вечарыне ў амбасадзеВечарыну адкрыў часова павераны ў справах Вялікай Брытаніі ў Беларусі Найджэл Гулд-Дэвіс. Ён сказаў, што ў гэты вечар рэзыдэнцыю можна перайменаваць у “пакой таямніцаў”.
“Я шчасьлівы, што слава Гары Потэра прыйшла і ў Беларусь. Гары і яго сябры тут не зусім чужыя. Як гаворыць Гардрыд у “Ордэне фэнікса” -- сустрэў пару вар’ятаў-троляў на польскай мяжы. І крыху-крыху паспрачаўся з вампірам з Менску. Няясна, праўда, кім быў гэты вампір. Я упэўнены, што на гэты конт у вас ёсьць свае ідэі. І,канечне, у які яшчэ дзень адзначаць мерапрыемства, прысьвечанае Гары Потэру, як не ў Гэлаўін, у традыцыйны дзень магіі і загадак?!”
На здымку: часовы павераны ў справах Вялікай Брытаніі Найджэл Гулд-Дэвіс сьвяткуе ГэлоўінСпадар Гулд-Дэвіс нагадаў, што Гэлаўін адзначаецца 31 кастрычніка, аднак па тэхнічных прычынах у рэзыдэнцыі ён сьвяткаваўся сёньня. Паводле дыплямата, многія думаюць, што Гэлаўін гэта амэрыканскае сьвята, але насамрэч у яго старажытныя эўрапейскія карані. А менаваіта – кельцкія.
“Я сам асабіста чысты кельт. І я адзначаў Гэлаўін кожны год у дзяцінстве. Я шчасьлівы адсьвяткаваць яго з вамі сёньня. Я чакаю ад гэтай вечарыны шмат вясельля, музыкі і хто ведае, магчыма, крыху чараўніцтва”.
Спадар Гулд-Дэвіс сказаў, што насамрэч, Гэлаўін – гэта ня страшнае сьвята. Падчас яго ладзяцца вясёлыя гульні. Абавязкова гатуецца добры глінтвэйн –гэта тыповы гэлаўінскі напой. Заля ўпрыгожваецца традыцыйнымі вобразамі – аранжавымі гарбузамі са сьвечкамі ўнутры, выявамі зданяў, чараўніц, кажаноў. Усё гэта й было на вечарыне ў рэзыдэнцыі амбасады Вялікабрытаніі.
На здымку: сымболіка Гэлаўіну ў залі рэзыдэнцыі Ці шырока, на думку спадара Гулд-Дэвіса Гэлаўін адзначаецца ў Беларусі?
“Я думаю, што пакуль недастаткова. Але так як эўрапейскія традыцыі усё больш пранікаюць у краіну, і сама Беларусь – эўрапейская краіна. І я спадзяюся, што ў найбліжэйшыя гады мы адчуем тут усё большы ўплыў нашага Гэлаўіна”.
На здымку: выступ гурту “Клёндайк”Сярод удзельнікаў вечарыны – вядомыя асобы. Вакалістка гурту “Індыга” Руся сказала:
“Заўсёды марыла, каб сьвяткаваць Гэлаўін. Бо мне хацелася незвычайны мэйк-ап на сабе паспрабаваць, нейкае адзеньне незвычайнае. Гэлоўінскі настрой такі вар’яцкі. Прагне душа і цела сьвята, разумееце. Быць такой жанчынай-вар’яткай. Мне падабаецца, што Гэлаўін самы добры дзень для гэтага”.
На здымку: салістка гурту “Індыга” Руся
Фота А.Дашчынскага
