Міліцыянты палічылі гэта несанкцыянаваным мітынгам. Яны прымусілі ўсіх зайсьці ў арандаваны ўдзельнікамі акцыі аўтобус і завезьлі затрыманых у віцебскую міліцыю.
Людзей трымалі ў актавай залі й аднаго за адным адводзілі ў кабінэты, каб скласьці адміністрацыйныя пратаколы.
Актывіст Кансэрватыўна-хрысьціянскай партыі БНФ Барыс Хамайда прапаноўваў міліцыянтам адпусьціць людзей і скласьці пратакол толькі супраць яго — як арганізатара акцыі.
“Рэч у тым, што мы ніколі не бярэм дазволу на ўсе гэтыя мерапрыемствы. Мы лічылі, што гэта лес, ня горад. Ад самага пачатку, калі мы зьбіраліся ля чыгуначнага вакзалу, прыйшоў супрацоўнік міліцыі й пачаў нас апытваць у справе, калі нам РНЕ дасылалі лісты з пагрозамі. Знайшлі час для гэтага менавіта сёньня, у гэты дзень! Затрымалі нас на паўгадзіны. Яны ехалі дакладна за намі, пакуль мы не прыехалі ў Паляі”, — апавёў Барыс Хамайда.
Першы крыж пад вёскай Паляі паставіла віцебская філія Партыі БНФ 5 лістапада 1989 году. Потым прадстаўнікі Маскоўскага патрыярхату таксама ўсталявалі крыж на месцы расстрэлаў.
Сёньня прадстаўнікі дэмакратычнага руху ўсталявалі трэці крыж. Яны плянавалі таксама наведаць магілы апазыцыйных актывістаў Рамана Салаўяна і Ўладзімера Плешчанкі.
У другой палове дня некаторых затрыманых міліцыянты павезьлі ў суд.
Людзей трымалі ў актавай залі й аднаго за адным адводзілі ў кабінэты, каб скласьці адміністрацыйныя пратаколы.
Актывіст Кансэрватыўна-хрысьціянскай партыі БНФ Барыс Хамайда прапаноўваў міліцыянтам адпусьціць людзей і скласьці пратакол толькі супраць яго — як арганізатара акцыі.
“Рэч у тым, што мы ніколі не бярэм дазволу на ўсе гэтыя мерапрыемствы. Мы лічылі, што гэта лес, ня горад. Ад самага пачатку, калі мы зьбіраліся ля чыгуначнага вакзалу, прыйшоў супрацоўнік міліцыі й пачаў нас апытваць у справе, калі нам РНЕ дасылалі лісты з пагрозамі. Знайшлі час для гэтага менавіта сёньня, у гэты дзень! Затрымалі нас на паўгадзіны. Яны ехалі дакладна за намі, пакуль мы не прыехалі ў Паляі”, — апавёў Барыс Хамайда.
Першы крыж пад вёскай Паляі паставіла віцебская філія Партыі БНФ 5 лістапада 1989 году. Потым прадстаўнікі Маскоўскага патрыярхату таксама ўсталявалі крыж на месцы расстрэлаў.
Сёньня прадстаўнікі дэмакратычнага руху ўсталявалі трэці крыж. Яны плянавалі таксама наведаць магілы апазыцыйных актывістаў Рамана Салаўяна і Ўладзімера Плешчанкі.
У другой палове дня некаторых затрыманых міліцыянты павезьлі ў суд.