Першым судзілі Ігара Банцара. Міліцыянты нікога не пускалі ў будынак, нават бацькоў, якія стаялі пры ўваходзе й плакалі ад крыўды.
Прадстаўніцу польскага консульства, спадарыню Шміт, таксама не пусьцілі — запатрабавалі позву. Людзей сабралася пад сто чалавек, збольшага сталага веку і пераважна сябры Саюзу палякаў, якія падтрымліваюць Анжаліку Борыс.
Калі аб’явілі, што Ігару Банцару далі 10 сутак, людзі пачалі хвалявацца й ціснуць на дзьверы. Часам нават здавалася, што дзьверы ў будынак могуць зламаць.
Якраз у гэты момант і выйшаў адвакат Уладзімер Кісялевіч:
“Анжаліка Борыс заявіла хадайніцтва, каб працэс быў адкрытым, але судзьдзя адмовіў. Я такое ж хадайніцтва заяўляў і наконт Банцара”.
Адвакат таксама паведаміў, што Борыс хадайнічала аб недаверы судзьдзі, але й гэтага хадайніцтва не задаволілі.
Пасьля дзьвюх гадзінаў разгляду справы судзьдзя Дзьмітры Мацяюк аб’явіў, што Борыс прызналі вінаватай у дробным хуліганстве, і яе караюць штрафам 460 тысяч рублёў.
Першае, што сказала Анжаліка Борыс на прыступках суду, — папрасіла разам абскардзіць рашэньне адносна Банцара. Яна таксама заявіла, што адмовілася даваць паказаньні ў судзе:
“Я адмовілася даваць паказаньні й зрабіла заяву ў судзе, што гэта справа палітычная й мы будзем зьбіраць подпісы сярод людзей, каб адмяніць гэтыя рашэньні. І, думаю, што прыйдзе час, калі так станецца”.
Ігара Банцара й Анжаліку Борыс затрымалі ўчора. Банцар стаяў на прыпынку й зьбіраўся ехаць дадому, яго забралі. На яго склалі пратакол за нецэнзурную лаянку й зьмясьцілі ў ізалятар.
Анжаліка Борыс, калі даведалася пра гэта, прыйшла ў пастарунак і заявіла, што бяз Банцара адтуль ня выйдзе. На яе таксама склалі пратакол — за нецэнзурную лаянку — і зьмясьцілі ў ізалятар.
Раніцай, калі іх прывезьлі ў суд, Анжаліка распавядала, што ў камэры вельмі халодна, яна ня спала, але ні на што ня скардзілася.
Ігар Банцар стараўся жартаваць з маці, усьміхаўся. Перад судом ён казаў, што яго абавязкова арыштуюць.
Прадстаўніцу польскага консульства, спадарыню Шміт, таксама не пусьцілі — запатрабавалі позву. Людзей сабралася пад сто чалавек, збольшага сталага веку і пераважна сябры Саюзу палякаў, якія падтрымліваюць Анжаліку Борыс.
Калі аб’явілі, што Ігару Банцару далі 10 сутак, людзі пачалі хвалявацца й ціснуць на дзьверы. Часам нават здавалася, што дзьверы ў будынак могуць зламаць.
Якраз у гэты момант і выйшаў адвакат Уладзімер Кісялевіч:
“Анжаліка Борыс заявіла хадайніцтва, каб працэс быў адкрытым, але судзьдзя адмовіў. Я такое ж хадайніцтва заяўляў і наконт Банцара”.
Адвакат таксама паведаміў, што Борыс хадайнічала аб недаверы судзьдзі, але й гэтага хадайніцтва не задаволілі.
Пасьля дзьвюх гадзінаў разгляду справы судзьдзя Дзьмітры Мацяюк аб’явіў, што Борыс прызналі вінаватай у дробным хуліганстве, і яе караюць штрафам 460 тысяч рублёў.
Першае, што сказала Анжаліка Борыс на прыступках суду, — папрасіла разам абскардзіць рашэньне адносна Банцара. Яна таксама заявіла, што адмовілася даваць паказаньні ў судзе:
“Я адмовілася даваць паказаньні й зрабіла заяву ў судзе, што гэта справа палітычная й мы будзем зьбіраць подпісы сярод людзей, каб адмяніць гэтыя рашэньні. І, думаю, што прыйдзе час, калі так станецца”.
Ігара Банцара й Анжаліку Борыс затрымалі ўчора. Банцар стаяў на прыпынку й зьбіраўся ехаць дадому, яго забралі. На яго склалі пратакол за нецэнзурную лаянку й зьмясьцілі ў ізалятар.
Анжаліка Борыс, калі даведалася пра гэта, прыйшла ў пастарунак і заявіла, што бяз Банцара адтуль ня выйдзе. На яе таксама склалі пратакол — за нецэнзурную лаянку — і зьмясьцілі ў ізалятар.
Раніцай, калі іх прывезьлі ў суд, Анжаліка распавядала, што ў камэры вельмі халодна, яна ня спала, але ні на што ня скардзілася.
Ігар Банцар стараўся жартаваць з маці, усьміхаўся. Перад судом ён казаў, што яго абавязкова арыштуюць.
