“Міністру Навумаву, міністру Радзькову, а таксама старшыню КДБ Жадобіну мы ўдзячныя за тую моцную інфармацыйную падтрымку нашай дзейнасьці, якую яны распачалі ў рэспубліцы. Гэта нейкая нэрвовасьць. Яны ня ведаюць, як адэкватна рэагаваць, а ад іх патрабуюць дзеяньняў. Іхныя дзеяньні адбываюцца такім чынам, што яны, па-мойму, наносяць большыя страты ўладзе і больш дапамагаюць нам”.
Старшыня Партыі камуністаў Беларускай С.Калякін – пра дзеяньні ўладаў напярэдадні “Сацыяльнага маршу”
“Сытуацыя цалкам з гэтымі выбарамі ня вырашыцца. Процістаяньне і барацьба будзе працягвацца, але ўжо зь перавагай на бок аранжавых. А значыць, на бок далейшага разьвіцьця і ўсталяваньня больш-менш трывалай дэмакратыі ва Ўкраіне. Безумоўна, што перавага аранжавых будзе ўплываць і на дачыненьні зь Беларусьсю, думаю, што ў рэчышчы Эўразьвязу і з акцэнтам на тыя 12 ўмоваў, якія вылучыў Эўразьвяз”.
Актывіст Беларускай сацыял-дэмакратычнай партыі (Грамада) Аляксей Кароль – пра вынікі выбараў ва Ўкраіне
