Андрэя Цянюту вінавацяць у нецэнзурнай лаянцы й незаконным распаўсюдзе ўлётак у падтрымку выдатніка Зьмітра Жалезьнічэнкі, якога выключылі з унівэрсытэту імя Скарыны за грамадзкую актыўнасьць.
Затрыманьне Андрэя Цянюты адбывалася ля будынку ўнівэрсытэту.
“Выйшаў прарэктар ўнівэрсытэту Ханеня, схапіў мяне за руку і павёў у кабінэт да сябе. Завёў у кабінэт, пачаў казаць, каб я паказаў яму свой пашпарт. Я адказаў: “Ня ведаю — хто вы? Можа, бандыт?” І ён, як выклікаў міліцынтаў, пачаў ужо казаць, што я лаяўся. Калі я спрабаваў выйсьці, ён схапіў мяне за горла”, — апавёў Андрэй Цянюта.
У тлумачэньні міліцыі прарэктар Ханеня сьцьвярджаў, што ведаў пра забарону расклейваць улёткі ў неналежным месцы, таму й затрымаў маладзёна.
Да ізаляцыі моладзевага актывіста прычыніўся й першы прарэктар Юры Кулажанка, які выклікаў міліцыю. Праўда, у тлумачэньнях спадар Кулажанка ня згадваў, што моладзевы актывіст лаяўся. Казаў толькі, што ён размаўляў зь некім па мабільным тэлефоне і спрабаваў выбегчы з кабінэту, але ня змог, бо ў дзьвярах стаяў унівэрсытэцкі ахоўнік Гарбачоў.
У судзе спадар Цянюта патлумачыў, што размаўляе пераважна на беларускай мове, у якой няма брыдкай лаянкі. Таму ён лаяцца проста ня мог.
Андрэю Цянюту дваццаць гадоў. Ён завочна навучаецца ў сельскагаспадарчай акадэміі ў Расеі.
Судзьдзя Марыя Дамненка, якая разглядала два пратаколы на Цянюту, пра лаянку й распаўсюд улётак у падтрымку выключанага з унівэрсытэту студэнта матэматычнага факультэту Зьмітра Жалезьнічэнкі, перанесла суд на заўтра. Зьвязана гэта з патрэбай выклікаць у суд дзеля тлумачэньняў прарэктараў Ханеню й Кулажанку, а таксама ахоўніка Гарбачова.
Адвакат моладзевага актывіста Пётар Барысаў лічыць, што кіраўнікі ўнівэрсытэту незаконна затрымалі Андрэя Цянюту.
Затрыманьне Андрэя Цянюты адбывалася ля будынку ўнівэрсытэту.
“Выйшаў прарэктар ўнівэрсытэту Ханеня, схапіў мяне за руку і павёў у кабінэт да сябе. Завёў у кабінэт, пачаў казаць, каб я паказаў яму свой пашпарт. Я адказаў: “Ня ведаю — хто вы? Можа, бандыт?” І ён, як выклікаў міліцынтаў, пачаў ужо казаць, што я лаяўся. Калі я спрабаваў выйсьці, ён схапіў мяне за горла”, — апавёў Андрэй Цянюта.
У тлумачэньні міліцыі прарэктар Ханеня сьцьвярджаў, што ведаў пра забарону расклейваць улёткі ў неналежным месцы, таму й затрымаў маладзёна.
Да ізаляцыі моладзевага актывіста прычыніўся й першы прарэктар Юры Кулажанка, які выклікаў міліцыю. Праўда, у тлумачэньнях спадар Кулажанка ня згадваў, што моладзевы актывіст лаяўся. Казаў толькі, што ён размаўляў зь некім па мабільным тэлефоне і спрабаваў выбегчы з кабінэту, але ня змог, бо ў дзьвярах стаяў унівэрсытэцкі ахоўнік Гарбачоў.
У судзе спадар Цянюта патлумачыў, што размаўляе пераважна на беларускай мове, у якой няма брыдкай лаянкі. Таму ён лаяцца проста ня мог.
Андрэю Цянюту дваццаць гадоў. Ён завочна навучаецца ў сельскагаспадарчай акадэміі ў Расеі.
Судзьдзя Марыя Дамненка, якая разглядала два пратаколы на Цянюту, пра лаянку й распаўсюд улётак у падтрымку выключанага з унівэрсытэту студэнта матэматычнага факультэту Зьмітра Жалезьнічэнкі, перанесла суд на заўтра. Зьвязана гэта з патрэбай выклікаць у суд дзеля тлумачэньняў прарэктараў Ханеню й Кулажанку, а таксама ахоўніка Гарбачова.
Адвакат моладзевага актывіста Пётар Барысаў лічыць, што кіраўнікі ўнівэрсытэту незаконна затрымалі Андрэя Цянюту.