Пакуль прапіска на постсавецкай прасторы захавалася толькі ў Туркмэністане і Беларусі. Але з 1 студзеня новага году ў Беларусі яна адмяняецца.
Паводле аўтараў указу, рэгістрацыя дапаможа палепшыць улік грамадзянаў паводле месца жыхарства. Цяпер грамадзяне могуць прапісацца па адным адрасе, а жыць у іншым месцы.
Парадак рэгістрацыі будзе мець пэўныя абмежаваньні, калі параўнаць з эўрапейскай практыкай.
Намесьніца дырэктара Нацыянальнага цэнтру заканатворчай дзейнасьці пры прэзыдэнту Людміла Панфёрава сказала:
“У адзін момант мы адразу ня можам перайсьці да чыста паведамляльнага парадку безь якіх-небудзь абмежаваньняў, бо інстытут прапіскі цесна пераплятаецца з многімі галінамі права. Таму прынялі рашэньне, што паступова і паэтапна адмяняем цяперашні дазвольны парадак рэгістрацыі грамадзянаў”.
Паменшыцца колькасьць дакумэнтаў для атрыманьня рэгістрацыі, і ня трэба будзе здымацца з уліку. Рэгістрацыю можна прайсьці паводле даверанасьці й зарэгістравацца ў садовых доміках і лецішчах. Абмежаваньні будуць для Менску.
Але дазволеная, да прыкладу, рэгістрацыя ўнукаў да дзядуляў ці бабуляў — і наадварот. Паўналетніх дзяцей — да бацькоў, родных братоў і сясьцёр.
У гэтым выпадку, як мяркуюць аўтары закону, разгрузяцца суды ад фіктыўных разводаў і шлюбаў. Той, хто рэгіструецца, не набывае ніякіх правоў на жылое памяшканьне. Вызначаны таксама парадак рэгістрацыі асобаў, якія жывуць у будынках рэлігійных арганізацыяў.
Калі грамадзянін не прайшоў у вызначаны час рэгістрацыі, то можа атрымаць папярэджаньне, а потым і штраф.
Намесьнік начальніка Дэпартамэнту грамадзянства і міграцыі Дзьмітры Ланін дадае:
“Сёньня лепей ведаць, дзе чалавек знаходзіцца, ведаць адрас яго рэгістрацыі, мець магчымасьць накіраваньня паштовай карэспандэнцыі, паведамленьняў падатковых органаў, чым ня ведаць наагул. Цяпер такая сытуацыя — чалавек прапісваецца дзе можа, а жыве дзе хоча. І наагул невядома пра яго месцазнаходжаньне”.
Таксама будуць новыя правілы для грамадзянаў, якія знаходзяцца за мяжой і маюць сталае жыхарства ў Беларусі.
Спадар Ланін сказаў:
“Указ ня дасьць свабодна грамадзянам пакідаць краіну без афармленьня выезду на сталае жыхарства. Сёньня наш грамадзянін піша заяву пра выпіску, што хоча паехаць зь Менску ў Берасьце, а сам жыве ўжо сем гадоў у Аўстрыі. І яго бацькі ці давераная асоба распараджаюцца кватэрай, бо ёсьць запіс пра яго выпіску.
То такое ад 1 студзеня 2008 году ня пройдзе. Проста яго ня выпішуць, як раней. А каб яго выпісаць, трэба зарэгістраваць у Берасьці. А потым прыйдзе паведамленьне, што ён зьняты з рэгістрацыйнага ўліку ў Менску. Яму давядзецца вярнуцца і аформіць выезд на сталае жыхарства, атрымаць пашпарт адпаведнай сэрыі і потым паехаць”.
Намесьнік начальніка Дэпартамэнту грамадзянства і міграцыі Дзьмітры Ланін
Ці прынясе абавязковая рэгістрацыя палёгку ад прапіскі?, 10.09.07 Залатая эра беларускага нафтахіму скончылася, 19.04.2007
Паводле аўтараў указу, рэгістрацыя дапаможа палепшыць улік грамадзянаў паводле месца жыхарства. Цяпер грамадзяне могуць прапісацца па адным адрасе, а жыць у іншым месцы.
Парадак рэгістрацыі будзе мець пэўныя абмежаваньні, калі параўнаць з эўрапейскай практыкай.
Намесьніца дырэктара Нацыянальнага цэнтру заканатворчай дзейнасьці пры прэзыдэнту Людміла Панфёрава сказала:
“У адзін момант мы адразу ня можам перайсьці да чыста паведамляльнага парадку безь якіх-небудзь абмежаваньняў, бо інстытут прапіскі цесна пераплятаецца з многімі галінамі права. Таму прынялі рашэньне, што паступова і паэтапна адмяняем цяперашні дазвольны парадак рэгістрацыі грамадзянаў”.
Паменшыцца колькасьць дакумэнтаў для атрыманьня рэгістрацыі, і ня трэба будзе здымацца з уліку. Рэгістрацыю можна прайсьці паводле даверанасьці й зарэгістравацца ў садовых доміках і лецішчах. Абмежаваньні будуць для Менску.
Але дазволеная, да прыкладу, рэгістрацыя ўнукаў да дзядуляў ці бабуляў — і наадварот. Паўналетніх дзяцей — да бацькоў, родных братоў і сясьцёр.
У гэтым выпадку, як мяркуюць аўтары закону, разгрузяцца суды ад фіктыўных разводаў і шлюбаў. Той, хто рэгіструецца, не набывае ніякіх правоў на жылое памяшканьне. Вызначаны таксама парадак рэгістрацыі асобаў, якія жывуць у будынках рэлігійных арганізацыяў.
Калі грамадзянін не прайшоў у вызначаны час рэгістрацыі, то можа атрымаць папярэджаньне, а потым і штраф.
Намесьнік начальніка Дэпартамэнту грамадзянства і міграцыі Дзьмітры Ланін дадае:
“Сёньня лепей ведаць, дзе чалавек знаходзіцца, ведаць адрас яго рэгістрацыі, мець магчымасьць накіраваньня паштовай карэспандэнцыі, паведамленьняў падатковых органаў, чым ня ведаць наагул. Цяпер такая сытуацыя — чалавек прапісваецца дзе можа, а жыве дзе хоча. І наагул невядома пра яго месцазнаходжаньне”.
Таксама будуць новыя правілы для грамадзянаў, якія знаходзяцца за мяжой і маюць сталае жыхарства ў Беларусі.
Спадар Ланін сказаў:
“Указ ня дасьць свабодна грамадзянам пакідаць краіну без афармленьня выезду на сталае жыхарства. Сёньня наш грамадзянін піша заяву пра выпіску, што хоча паехаць зь Менску ў Берасьце, а сам жыве ўжо сем гадоў у Аўстрыі. І яго бацькі ці давераная асоба распараджаюцца кватэрай, бо ёсьць запіс пра яго выпіску.
То такое ад 1 студзеня 2008 году ня пройдзе. Проста яго ня выпішуць, як раней. А каб яго выпісаць, трэба зарэгістраваць у Берасьці. А потым прыйдзе паведамленьне, што ён зьняты з рэгістрацыйнага ўліку ў Менску. Яму давядзецца вярнуцца і аформіць выезд на сталае жыхарства, атрымаць пашпарт адпаведнай сэрыі і потым паехаць”.
Намесьнік начальніка Дэпартамэнту грамадзянства і міграцыі Дзьмітры Ланін Ці прынясе абавязковая рэгістрацыя палёгку ад прапіскі?, 10.09.07 Залатая эра беларускага нафтахіму скончылася, 19.04.2007
