Палітвязьні Зьміцер Дашкевіч, Артур Фінькевіч і Аляксандар Казулін маюць некалькі спагнаньняў – нібыта за парушэньні ўнутранага распарадку. Паводле Крымінальна-працэсуальнага кодэксу, у такіх выпадках вязьняў пазбаўляюць магчымасьці датэрмінова выйсьці на волю і не ўжываюць да іх амністыю.
Міколу Статкевіча, Паўла Севярынца і Кацярыну Садоўскую вызвалілі раней вызначанага тэрміну ў час, калі разглядалі пытаньне гандлёвых прэфэрэнцыяў.
“Амністыя неаднаразова адмянялася якраз таму, што ў нас ёсьць палітычныя вязьні”
Мікола Статкевіч падзяліўся меркаваньнямі наконт пэрспэктывы амніставаньня іншых палітвязьняў:
“Амністыя неаднаразова адмянялася якраз у зьвязку з тым, што ў нас ёсьць палітычныя вязьні. Апроч таго, ёсьць такія рычагі ўжываньня амністыі як спагнаньні. Калі чатыры спагнаньні ў зьняволенага ёсьць, то ён пад амністыю не падпадае. Думаю, з гэтага пункту гледжаньня яны будуць прымаць рашэньне па Казуліну. Яны могуць скінуць адзін год, а могуць ня скінуць. Тым больш, што ён мае спагнаньні”.
Выканаўца абавязкаў старшыні сацыял-дэмакратычнай партыі “Грамада” Анатоль Ляўковіч робіць пэсымістычныя прагнозы наконт таго, ці скароцяць тэрмін пакараньня Аляксандру Казуліну.
А.Ляўковіч: “У такіх сытуацыях улада дзейнічае пасьлядоўна”
“Зразумела, па-чалавечы хацеў бы, каб “скасьцілі”, вызвалілі і г.д. Але ў мяне такі прагноз, што ўлада наўрад ці пойдзе на такі крок. У такіх сытуацыях ўлада дзейнічае пасьлядоўна. Таму ў мяне такі пэсымістычны прагноз”.
Андрэй Клімаў, якога напачатку жніўня пакаралі зьняволеньнем на два гады строгага рэжыму, можа раней вызначанага тэрміну выйсьці на волю. Але гэта можа быць толькі ў тым выпадку, калі ён ня мае спагнаньняў за парушэньне рэжыму і калі адміністрацыя калёніі заявіць, што асуджаны “стаў на шлях выпраўленьня” і “ўсьвядоміў сваю віну”.
Кацярына Садоўская, якая адбывала пакараньне ў гомельскай калёніі за абразу Аляксандра Лукашэнкі, лічыць, што ў справах палітвязьняў, нягледзячы на ўказы і законы, рашэньне будзе прымацца “наверсе”.
Як прыклад, яна прыгадала, што яе вызвалілі даслоўна цягам некалькіх хвілінаў: выклікалі да адміністрацыі й прапанавалі напісаць заяву, што яна вельмі шкадуе пра свае выказваньні й больш ніколі так ня зробіць. Праваабаронца адмовілася, але яе вызвалілі.
Бальшыня палітвязьняў – актывісты “Маладога фронту”, 6.09.2007 Эўразьвяз патрабуе вызваліць беларускіх палітвязьняў, 27.08.2007
Міколу Статкевіча, Паўла Севярынца і Кацярыну Садоўскую вызвалілі раней вызначанага тэрміну ў час, калі разглядалі пытаньне гандлёвых прэфэрэнцыяў.
“Амністыя неаднаразова адмянялася якраз таму, што ў нас ёсьць палітычныя вязьні”
Мікола Статкевіч падзяліўся меркаваньнямі наконт пэрспэктывы амніставаньня іншых палітвязьняў:
“Амністыя неаднаразова адмянялася якраз у зьвязку з тым, што ў нас ёсьць палітычныя вязьні. Апроч таго, ёсьць такія рычагі ўжываньня амністыі як спагнаньні. Калі чатыры спагнаньні ў зьняволенага ёсьць, то ён пад амністыю не падпадае. Думаю, з гэтага пункту гледжаньня яны будуць прымаць рашэньне па Казуліну. Яны могуць скінуць адзін год, а могуць ня скінуць. Тым больш, што ён мае спагнаньні”.Выканаўца абавязкаў старшыні сацыял-дэмакратычнай партыі “Грамада” Анатоль Ляўковіч робіць пэсымістычныя прагнозы наконт таго, ці скароцяць тэрмін пакараньня Аляксандру Казуліну.
А.Ляўковіч: “У такіх сытуацыях улада дзейнічае пасьлядоўна”
“Зразумела, па-чалавечы хацеў бы, каб “скасьцілі”, вызвалілі і г.д. Але ў мяне такі прагноз, што ўлада наўрад ці пойдзе на такі крок. У такіх сытуацыях ўлада дзейнічае пасьлядоўна. Таму ў мяне такі пэсымістычны прагноз”.
Андрэй Клімаў, якога напачатку жніўня пакаралі зьняволеньнем на два гады строгага рэжыму, можа раней вызначанага тэрміну выйсьці на волю. Але гэта можа быць толькі ў тым выпадку, калі ён ня мае спагнаньняў за парушэньне рэжыму і калі адміністрацыя калёніі заявіць, што асуджаны “стаў на шлях выпраўленьня” і “ўсьвядоміў сваю віну”.
Кацярына Садоўская, якая адбывала пакараньне ў гомельскай калёніі за абразу Аляксандра Лукашэнкі, лічыць, што ў справах палітвязьняў, нягледзячы на ўказы і законы, рашэньне будзе прымацца “наверсе”.
Як прыклад, яна прыгадала, што яе вызвалілі даслоўна цягам некалькіх хвілінаў: выклікалі да адміністрацыі й прапанавалі напісаць заяву, што яна вельмі шкадуе пра свае выказваньні й больш ніколі так ня зробіць. Праваабаронца адмовілася, але яе вызвалілі.
Бальшыня палітвязьняў – актывісты “Маладога фронту”, 6.09.2007 Эўразьвяз патрабуе вызваліць беларускіх палітвязьняў, 27.08.2007