Першым у Аршанскі гарадзкі суд прывезьлі моладзевага актывіста Дзяніса Садоўскага. Судзьдзя аршанскага суду Тацяна Рыбакова прызнала яго вінаватым у дробным хуліганстве паводле артыкулу 17.1 адміністрацыйнага заканадаўства.
Сьведкі-міліцыянты заявілі, што хлопец нецэнзурна лаяўся, за што яго й затрымалі 8 верасьня каля вёскі Гацькаўшчына.
Гэткае абвінавачаньне ўпершыню прагучала ў судзе: адразу па затрыманьні міліцыянты вінавацілі Садоўскага ў непадпарадкаваньні прадстаўнікам аховы парадку — адзін зь міліцыянтаў заявіў, што Садоўскі падчас затрыманьня падрапаў яму руку.
Дзянісу Садоўскаму прысудзілі пяць сутак арышту.
Мастака Алеся Пушкіна і менскага моладзевага актывіста Аляксея Янушэўскага прывезьлі ў суд толькі каля трэцяй дня.
Як распавёў мясцовы праваабаронца Васіль Леўчанкаў, больш за гадзіну затрыманых не выпускалі з закратаванай машыны:
“Я так мяркую, што ў судзе чакалі, пакуль мы разыдземся. Нас тут сабралася чалавек дзесяць актывістаў, і яны меркавалі, што мы не дачакаемся. Ведаю, што псыхалягічна дужа цяжка, калі выходзіш з такой вось машыны, а цябе ніхто не сустракае. Гэта можа зламіць чалавека. І мы дачакаліся. Вось цяпер іх заводзяць у суд”.
У судзе Аляксей Янушэўскі й Алесь Пушкін папрасілі адвакатаў. Да таго ж Алесь Пушкін запатрабаваў, каб судовы працэс праводзіўся па-беларуску. Ён абвясьціў, што будзе галадаць, пакуль ягоных патрабаваньняў ня выканаюць.
Затрыманыя распавялі, што трапілі ў пастарунак пасьля бардаўскага фэсту разам з групай моладзі, якую затрымалі недалёка ад вёскі Сяглава.
Там уночы з 8 на 9 верасьня адбываўся імправізаваны канцэрт. Міліцыя не дазволіла правесьці бардаўскі фэст на Крапівенскім полі, бо там нібыта трэба разьмінаваць снарады, знойдзеныя напярэдадні.
Усіх затрыманых разам адпусьцілі яшчэ ўчора.
На Аляксея Янушэўскага і Алеся Пушкіна склалі пратаколы — нібыта за дробны крадзеж. Міліцыянты цьвердзяць, што мастак і моладзевы актывіст скралі дзяржаўны сьцяг зь міліцэйскага пастарунку. Спачатку ім пагражалі крымінальнай справай за абразу дзяржаўных сымбаляў.
Ворша: затрыманым пагражаюць крымінальнымі справамі, 09.09.2007 Фэст “Аршанская бітва-2007” адбыўся, нягледзячы на масавыя затрыманьні, 09.09.2007 П.Севярынец: “Бітва пад Воршай працягваецца”, 08.09.2007 У Воршы затрымалі 9 маладафронтаўцаў і Алеся Пушкіна , 08.09.2007
Сьведкі-міліцыянты заявілі, што хлопец нецэнзурна лаяўся, за што яго й затрымалі 8 верасьня каля вёскі Гацькаўшчына.
Гэткае абвінавачаньне ўпершыню прагучала ў судзе: адразу па затрыманьні міліцыянты вінавацілі Садоўскага ў непадпарадкаваньні прадстаўнікам аховы парадку — адзін зь міліцыянтаў заявіў, што Садоўскі падчас затрыманьня падрапаў яму руку.
Дзянісу Садоўскаму прысудзілі пяць сутак арышту.
Мастака Алеся Пушкіна і менскага моладзевага актывіста Аляксея Янушэўскага прывезьлі ў суд толькі каля трэцяй дня.
Як распавёў мясцовы праваабаронца Васіль Леўчанкаў, больш за гадзіну затрыманых не выпускалі з закратаванай машыны:
“Я так мяркую, што ў судзе чакалі, пакуль мы разыдземся. Нас тут сабралася чалавек дзесяць актывістаў, і яны меркавалі, што мы не дачакаемся. Ведаю, што псыхалягічна дужа цяжка, калі выходзіш з такой вось машыны, а цябе ніхто не сустракае. Гэта можа зламіць чалавека. І мы дачакаліся. Вось цяпер іх заводзяць у суд”.
У судзе Аляксей Янушэўскі й Алесь Пушкін папрасілі адвакатаў. Да таго ж Алесь Пушкін запатрабаваў, каб судовы працэс праводзіўся па-беларуску. Ён абвясьціў, што будзе галадаць, пакуль ягоных патрабаваньняў ня выканаюць.
Затрыманыя распавялі, што трапілі ў пастарунак пасьля бардаўскага фэсту разам з групай моладзі, якую затрымалі недалёка ад вёскі Сяглава.
Там уночы з 8 на 9 верасьня адбываўся імправізаваны канцэрт. Міліцыя не дазволіла правесьці бардаўскі фэст на Крапівенскім полі, бо там нібыта трэба разьмінаваць снарады, знойдзеныя напярэдадні.
Усіх затрыманых разам адпусьцілі яшчэ ўчора.
На Аляксея Янушэўскага і Алеся Пушкіна склалі пратаколы — нібыта за дробны крадзеж. Міліцыянты цьвердзяць, што мастак і моладзевы актывіст скралі дзяржаўны сьцяг зь міліцэйскага пастарунку. Спачатку ім пагражалі крымінальнай справай за абразу дзяржаўных сымбаляў.
Ворша: затрыманым пагражаюць крымінальнымі справамі, 09.09.2007 Фэст “Аршанская бітва-2007” адбыўся, нягледзячы на масавыя затрыманьні, 09.09.2007 П.Севярынец: “Бітва пад Воршай працягваецца”, 08.09.2007 У Воршы затрымалі 9 маладафронтаўцаў і Алеся Пушкіна , 08.09.2007
