Судзьдзя нясьвіскага суду спадар Гвозд разгледзеў адміністрацыйныя пратаколы на рэгіянальнага актывіста “Маладога фронту” з Асіповічаў Арцёма Дубскага, а таксама на нясьвісцаў Насту Азарку і Алеся Жукава.
Нагадаем: у ноч на 25 жніўня міліцыянты затрымалі чатырох актывістаў “Маладога фронту”, сярод якіх была непаўналетняя Наста Палажанка. Іх адвезьлі ў міліцыю і там трымалі ўсю ноч.
Міліцыянты адабралі ў маладафронтаўцаў мабільныя тэлефоны і адмовіліся пазваніць адвакатам і бацькам затрыманых. Пратаколы склалі толькі а 10-й раніцы, абвінаваціўшы ўсіх у дробным хуліганстве.
Наста Палажанка апавяла “Свабодзе”, што ўпершыню бачыла такую трактоўку адміністрацыйнага артыкулу:
“Надпіс “Беларусь — гэта сьвятое” зьяўляўся чымсьці нецэнзурным. Нам напісалі ў пратаколах, што гэта ёсьць абразай грамадзтва”.
Алесь Жукаў паведаміў “Свабодзе”, што падчас затрыманьня міліцыянты яго зьбівалі:
“Мяне пхнулі нагой паміж ног, але, дзякуй богу, у мяне там была сумка. Міліцыянты мяне вельмі груба і нецэнзурна аблаялі. Спачатку нас пасадзілі ў камэру, у якой ужо знаходзілася дзевяць чалавек. Разам нас атрымалася адзінаццаць. Не было чым дыхаць. Арцёму нават забалела галава, бо ў камэры ўсе палілі, а ён ня паліць. Потым нас перавялі ў іншую камэру. Мы з Арцёмам абвясьцілі галадоўку на знак пратэсту супраць нашага затрыманьня”.
Насту Азарку 4 верасьня будуць судзіць за ўдзел у незарэгістраванай арганізацыі. Дзяўчыне пагражае зьняволеньне да двух гадоў. Але яна вырашыла паўдзельнічаць у акцыі разам са сваімі паплечнікамі:
“Ня ведаю, які там будзе прысуд, але я, напрыклад, буду згодная з усялякім. Я вырашыла, што лепей дзейнічаць, чым сядзець склаўшы рукі й чакаць суду. Таму што ад такога чаканьня можна папросту страціць галаву”.
Арцём Дубскі прыехаў з Асіповічаў у Нясьвіж, каб падтрымаць Насту Азарку. Ён упэўнены, што справу супраць іх спыняць, бо правапарушэньня не было:
“Мы папросту вырашылі прыехаць і падтрымаць Насту Азарку, якой цяпер вельмі цяжка напярэдадні суду”.
Судзьдзя разгледзеў усе адміністрацыйныя пратаколы і паведаміў, што прысуд Алесю Жукаву, Насьце Азарцы і Арцёму Дубскаму зачытаюць а 6-й вечара.
Нагадаем: у ноч на 25 жніўня міліцыянты затрымалі чатырох актывістаў “Маладога фронту”, сярод якіх была непаўналетняя Наста Палажанка. Іх адвезьлі ў міліцыю і там трымалі ўсю ноч.
Міліцыянты адабралі ў маладафронтаўцаў мабільныя тэлефоны і адмовіліся пазваніць адвакатам і бацькам затрыманых. Пратаколы склалі толькі а 10-й раніцы, абвінаваціўшы ўсіх у дробным хуліганстве.
Наста Палажанка апавяла “Свабодзе”, што ўпершыню бачыла такую трактоўку адміністрацыйнага артыкулу:
“Надпіс “Беларусь — гэта сьвятое” зьяўляўся чымсьці нецэнзурным. Нам напісалі ў пратаколах, што гэта ёсьць абразай грамадзтва”.
Алесь Жукаў паведаміў “Свабодзе”, што падчас затрыманьня міліцыянты яго зьбівалі:
“Мяне пхнулі нагой паміж ног, але, дзякуй богу, у мяне там была сумка. Міліцыянты мяне вельмі груба і нецэнзурна аблаялі. Спачатку нас пасадзілі ў камэру, у якой ужо знаходзілася дзевяць чалавек. Разам нас атрымалася адзінаццаць. Не было чым дыхаць. Арцёму нават забалела галава, бо ў камэры ўсе палілі, а ён ня паліць. Потым нас перавялі ў іншую камэру. Мы з Арцёмам абвясьцілі галадоўку на знак пратэсту супраць нашага затрыманьня”.
Насту Азарку 4 верасьня будуць судзіць за ўдзел у незарэгістраванай арганізацыі. Дзяўчыне пагражае зьняволеньне да двух гадоў. Але яна вырашыла паўдзельнічаць у акцыі разам са сваімі паплечнікамі:
“Ня ведаю, які там будзе прысуд, але я, напрыклад, буду згодная з усялякім. Я вырашыла, што лепей дзейнічаць, чым сядзець склаўшы рукі й чакаць суду. Таму што ад такога чаканьня можна папросту страціць галаву”.
Арцём Дубскі прыехаў з Асіповічаў у Нясьвіж, каб падтрымаць Насту Азарку. Ён упэўнены, што справу супраць іх спыняць, бо правапарушэньня не было:
“Мы папросту вырашылі прыехаць і падтрымаць Насту Азарку, якой цяпер вельмі цяжка напярэдадні суду”.
Судзьдзя разгледзеў усе адміністрацыйныя пратаколы і паведаміў, што прысуд Алесю Жукаву, Насьце Азарцы і Арцёму Дубскаму зачытаюць а 6-й вечара.