Мін’юст заявіў, што статут аб’яднаньня не адпавядае патрабаваньням закона аб грамадзкіх аб’яднаньнях. Уладам не спадабалася назва “Вясна”, якую меў раней ліквідаваны Вярхоўным судом праваабарончы цэнтар.
У адмове мін’юсту напісана, што “статут аб’яднаньня ўтрымлівае неканкрэтныя мэты і мае на ўвазе магчымасьць гэтага аб’яднаньня дзейнічаць для дасягненьня іншых, не ўказаных у статуце мэтаў”.
Паводле мі’нюсту, у сьпісе заснавальнікаў асобныя зьвесткі не адпавядаюць рэчаіснасьці, а таксама ўстаноўлены іншыя парушэньні дзейнага заканадаўства.
Таксама мін’юст зважае на тое, што 20 з 69-ці заснавальнікаў аб’яднаньня прыцягваліся да адміністрацыйнай адказнасьці за розныя правапарушэньні, прычым асобныя зь іх – па 5 разоў.
У сувязі з гэтым, заяўляе мін’юст, Грамадзкаму праваабарончаму аб’яднаньню “Вясна” адмоўлена ў дзяржаўнай рэгістрацыі.
Віцэ-прэзыдэнт Міжнароднай фэдэрацыі правоў чалавека, правабаронца Алесь Бяляцкі заявіў:
“Беларускія ўлады не гатовы да шчырага дыялёгу з грамадзянскай супольнасьцю і зь беларускімі праваабаронцамі. Ёсьць табу на пэўныя арганізацыі, на пэўныя накірункі дзейнасьці, у тым ліку на праваабарончы. За апошнія гадоў 7-8 ніводнай праваабарончай арганізацыі не было зарэгістравана. Па любых прычынах у рэгістрацыі адмаўлялі. Гэтая палітыка вузкалобых чыноўнікаў – недальнабачная і прывядзе да шырокіх нэгатыўных наступстваў для разьвіцьця нашай краіны”.
Алесь Бяляцкі заявіў, што і без рэгістрацыі праваабаронцы працягнуць сваю дзейнасьць. А сытуацыя нагадвае савецкія часы:
“Мне гэта вельмі нагадвае сытуацыю 1970-80-х гадоў у Савецкім саюзе, калі ўсе праваабарончыя групоўкі, аб’днаньні дзейнічалі ў такім незарэгістраваным стане. А ўлады ў Савецкім саюзе таксама рабілі выгляд, што ў нас усё нармальна з правамі чалавека і ніякіх праблем не існуе”.
Заснавальнікі Грамадзкага праваабарончага аб’яднаньня “Вясна” абскардзяць рашэньне мінюста ў Вярхоўным судзе, а потым накіруюць скаргу ў Камітэт па правах чалавека ААН. Дарэчы гэты Камітэт ААН нядаўна прызнаў, што праваабарончы цэнтар “Вясна” быў незаконна ліквідаваны беларускімі ўладамі ў 2003 годзе.
Ці зарэгіструюць “Вясну”?, 23.08.2007
У адмове мін’юсту напісана, што “статут аб’яднаньня ўтрымлівае неканкрэтныя мэты і мае на ўвазе магчымасьць гэтага аб’яднаньня дзейнічаць для дасягненьня іншых, не ўказаных у статуце мэтаў”.
Паводле мі’нюсту, у сьпісе заснавальнікаў асобныя зьвесткі не адпавядаюць рэчаіснасьці, а таксама ўстаноўлены іншыя парушэньні дзейнага заканадаўства.
Таксама мін’юст зважае на тое, што 20 з 69-ці заснавальнікаў аб’яднаньня прыцягваліся да адміністрацыйнай адказнасьці за розныя правапарушэньні, прычым асобныя зь іх – па 5 разоў.
У сувязі з гэтым, заяўляе мін’юст, Грамадзкаму праваабарончаму аб’яднаньню “Вясна” адмоўлена ў дзяржаўнай рэгістрацыі.
Віцэ-прэзыдэнт Міжнароднай фэдэрацыі правоў чалавека, правабаронца Алесь Бяляцкі заявіў:
“Беларускія ўлады не гатовы да шчырага дыялёгу з грамадзянскай супольнасьцю і зь беларускімі праваабаронцамі. Ёсьць табу на пэўныя арганізацыі, на пэўныя накірункі дзейнасьці, у тым ліку на праваабарончы. За апошнія гадоў 7-8 ніводнай праваабарончай арганізацыі не было зарэгістравана. Па любых прычынах у рэгістрацыі адмаўлялі. Гэтая палітыка вузкалобых чыноўнікаў – недальнабачная і прывядзе да шырокіх нэгатыўных наступстваў для разьвіцьця нашай краіны”.
Алесь Бяляцкі заявіў, што і без рэгістрацыі праваабаронцы працягнуць сваю дзейнасьць. А сытуацыя нагадвае савецкія часы:
“Мне гэта вельмі нагадвае сытуацыю 1970-80-х гадоў у Савецкім саюзе, калі ўсе праваабарончыя групоўкі, аб’днаньні дзейнічалі ў такім незарэгістраваным стане. А ўлады ў Савецкім саюзе таксама рабілі выгляд, што ў нас усё нармальна з правамі чалавека і ніякіх праблем не існуе”.
Заснавальнікі Грамадзкага праваабарончага аб’яднаньня “Вясна” абскардзяць рашэньне мінюста ў Вярхоўным судзе, а потым накіруюць скаргу ў Камітэт па правах чалавека ААН. Дарэчы гэты Камітэт ААН нядаўна прызнаў, што праваабарончы цэнтар “Вясна” быў незаконна ліквідаваны беларускімі ўладамі ў 2003 годзе.
Ці зарэгіструюць “Вясну”?, 23.08.2007