“Кім ёсьць Мірон, які ўжо 12 гадоў вывешвае бел-чырвона-белыя сьцягі на лініях электраперадач, найвышэйшых будынках, дзяржаўных установах – у месцах, якія здавалася б, недаступныя ?”, – пытаецца журналіст газэты і падае гісторыю Мірона, якая пачалася ад 1995 году.
Паводле Wyborczej, найбольш адважная і незвычайная акцыя Мірона мела месца ў 1998 годзе, калі бел-чырвона-белы сьцяг зьявіўся на добра ахоўваным будынку віцебскага аблвыканкаму.
“Тады ўлады распачалі крымінальную справу і затрымалі віцебскага апазыцыянэра Уладзімера Плешчанку. Але гэта ня быў Мірон. Калі Плешчанка сядзеў у вязьніцы, над Віцебскам зьявіліся новыя сьцягі, у тым ліку, што было асабліва адважным учынкам – насупраць сядзібы КДБ”, – піша газэта.
Журналіст штодзёньніка, як і беларускія міліцыянты і спэцслужбы, ня змог знайсьці легендарнага Мірона, пачуўшы толькі, што гэта “сапраўдны беларускі герой і асілак”.
Gazeta Wyborcza піша, што ў Мірона зьявіліся пасьлядоўнікі ва ўсёй Беларусі, а ягоныя ўчынкі сталіся натхненьнем для творчых асобаў, яму свае творы прысьвяцілі Рыгор Барадулін і Алесь Марачкін.
“Тыдзень таму віцебская міліцыя чарговы раз паведаміла, што Мірон схоплены. Затрыманы хлопец сапраўды спрабаваў павесіць бел-чырвона-белы сьцяг, але ня меў пры сабе тыповай для Мірона запіскі. Больш таго, у 1995 годзе, калі Мірон упершыню павесіў сьцяг, хлопцу было ўсяго 11 гадоў”, – піша аўтар артыкулу і завяршае матэрыял словамі віцебскага апазыцыянэра Барыса Хамайды: “Яны ніколі яго ня схопяць”.
Паводле Wyborczej, найбольш адважная і незвычайная акцыя Мірона мела месца ў 1998 годзе, калі бел-чырвона-белы сьцяг зьявіўся на добра ахоўваным будынку віцебскага аблвыканкаму.
“Тады ўлады распачалі крымінальную справу і затрымалі віцебскага апазыцыянэра Уладзімера Плешчанку. Але гэта ня быў Мірон. Калі Плешчанка сядзеў у вязьніцы, над Віцебскам зьявіліся новыя сьцягі, у тым ліку, што было асабліва адважным учынкам – насупраць сядзібы КДБ”, – піша газэта.
Журналіст штодзёньніка, як і беларускія міліцыянты і спэцслужбы, ня змог знайсьці легендарнага Мірона, пачуўшы толькі, што гэта “сапраўдны беларускі герой і асілак”.
Gazeta Wyborcza піша, што ў Мірона зьявіліся пасьлядоўнікі ва ўсёй Беларусі, а ягоныя ўчынкі сталіся натхненьнем для творчых асобаў, яму свае творы прысьвяцілі Рыгор Барадулін і Алесь Марачкін.
“Тыдзень таму віцебская міліцыя чарговы раз паведаміла, што Мірон схоплены. Затрыманы хлопец сапраўды спрабаваў павесіць бел-чырвона-белы сьцяг, але ня меў пры сабе тыповай для Мірона запіскі. Больш таго, у 1995 годзе, калі Мірон упершыню павесіў сьцяг, хлопцу было ўсяго 11 гадоў”, – піша аўтар артыкулу і завяршае матэрыял словамі віцебскага апазыцыянэра Барыса Хамайды: “Яны ніколі яго ня схопяць”.
