Лінкі ўнівэрсальнага доступу

Віцебск: міліцыянты злавілі Мірона?


Радыё Свабода, Віцебск Учора каля шостай гадзіны вечара побач з будынкам абласной статыстычнай управы міліцыя затрымала 18-гадовага хлопца з прозьвішчам Барадзенка. Яго падазраюць у вывешваньні бел-чырвона-белага сьцяга на мачце антэны “МТС”.

Бел-чырвона-белы сцяг быў узьняты над будынкам Цэнтральнай статыстычнай управы, што на вуліцы Леніна, каля паловы на шостую. Ён пралунаў над горадам з паўгадзіны. Потым яго зьнялі супрацоўнікі Міністэрства надзвычайных сытуацыяў пры дапамозе пажарнай машыны з лесьвіцай. Гэтым разам каля сьцяга не было традыцыйнай цыдулкі, якую звычайна пакідае Мірон.

Пакуль не вядома, што чакае затрыманага.

З таго часу, калі першы сцяг быў вывешаны Міронам у Лёзна больш за 11 гадоў таму, супрацоўнікі міліцыі шукаюць, хто узьнімае бел-чырвона-белыя сьцягі ў самых цяжкадаступных месцах – на дахах, антэнах і электрычных дратах пад вялікай напругай.

Віцебск, 7.08.2007. Бел-чырвона-белы сцяг быў узьняты над будынкам Цэнтральнай статыстычнай управы Гэтым разам каля сьцяга не было традыцыйнай цыдулкі, якую звычайна пакідае Мірон
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG