Перамовам будзе папярэднічаць пазачарговы сход акцыянэраў “Белтрансгазу”. На ім маюць зацьвердзіць новага генэральнага дырэктара канцэрну. Як мы ўжо паведамлялі, Аляксандар Лукашэнка афіцыйна прапанаваў на гэтую пасаду Ўладзімера Маёрава – намесьніка старшыні Гомельскага аблвыканкаму. Але паколькі “Белтрансгаз” – акцыянэрнае таварыства, дык і прызначэньне ягонага кіраўніка мае свае асаблівасьці – ён абіраецца на сходзе акцыянэраў і назіральнай рады. Сход пройдзе ў так званым закрытым рэжыме, без прысутнасьці журналістаў.
Расейска-беларускія перамовы працягнуцца з новым кіраўніком “Белтрансгазу”. А расейскую дэлегацыю па-ранейшаму ўзначальвае намесьнік старшыні праўленьня “Газпрому” Валеры Голубеў. Мяркуецца, што на сёньняшнім сходзе яго ўвядуць у склад назіральнай рады “Белтрансгазу”.
Перамовы паміж “Газпромам” і “Белтрансгазам” цягнуцца з сярэдзіны мінулага тыдня. Запазычанасьць Беларусі перад “Газпромам” дасягнула амаль 500 мільёнаў даляраў. Яна ўзьнікла з прычыны таго, што ў першыя паўгоду за кожную тысячу кубамэтраў газу беларускі бок пераводзіў на рахункі “Газпрому” ня 100 даляраў (кошт адной тысячы кубамэтраў), а толькі 55. Расейскі канцэрн пагадзіўся на такую разьліковую форму, але папярэдзіў, што запазычанасьць трэба будзе ліквідаваць не пазьней за 23 ліпеня.
Беларусь хоча рэструктурызаваць доўг за газ і гатовая плаціць пеню, 24.07.2007
Расейска-беларускія перамовы працягнуцца з новым кіраўніком “Белтрансгазу”. А расейскую дэлегацыю па-ранейшаму ўзначальвае намесьнік старшыні праўленьня “Газпрому” Валеры Голубеў. Мяркуецца, што на сёньняшнім сходзе яго ўвядуць у склад назіральнай рады “Белтрансгазу”.
Перамовы паміж “Газпромам” і “Белтрансгазам” цягнуцца з сярэдзіны мінулага тыдня. Запазычанасьць Беларусі перад “Газпромам” дасягнула амаль 500 мільёнаў даляраў. Яна ўзьнікла з прычыны таго, што ў першыя паўгоду за кожную тысячу кубамэтраў газу беларускі бок пераводзіў на рахункі “Газпрому” ня 100 даляраў (кошт адной тысячы кубамэтраў), а толькі 55. Расейскі канцэрн пагадзіўся на такую разьліковую форму, але папярэдзіў, што запазычанасьць трэба будзе ліквідаваць не пазьней за 23 ліпеня.
Беларусь хоча рэструктурызаваць доўг за газ і гатовая плаціць пеню, 24.07.2007