З крытыкай на адрас ураду Паўдзённа-Афрыканскай Рэспублікі выступіў кіраўнік Альянсу Тоні Леон. Ён назваў недапушчальным тое, што Тсванэ (Прэторыя) ідзе на збліжэньне зь Менскам “у час, калі міжнародная супольнасьць рэзка крытыкуе беларускія ўлады за сытуацыю з правамі чалавека”, калі Эўразьвяз і ЗША “ўводзяць санкцыі супраць высокіх беларускіх чыноўнікаў”.
Як перадае агенцтва Sapa, сябры Дэмакратычнага альянсу лічаць заўчасным нядаўні візыт у Беларусь міністра замежных справаў краіны Нкасазаны Дламіні-Зумы і яе перамовы зь беларускім кіраўніцтвам пра далейшае супрацоўніцтва ў палітыцы і эканоміцы.
Лідэр партыі Тоні Леон падкрэсьліў, што “заявы паўдзённаафрыканскага ўраду пра тое, што сувязь зь Беларусьсю ладзіцца дзеля барацьбы з апартэідам, ёсьць звычайным апраўданьнем такога дружалюбнага візыту... Такое тлумачэньне наіўнае, недарэчнае, недакладнае і пазбаўленае гістарычнай падставы. Для ПАР прыйшоў час арыентавацца на больш дэмакратычныя ідэалы”.
Кіраўніца замежнапалітычнага ведамства ПАР Нкасазана Дламіні-Зума наведала Беларусь сёлета на пачатку ліпеня. У часе сустрэчы з прэзыдэнтам Беларусі Аляксандрам Лукашэнкам і прадстаўніком Ніжняй палаты беларускага парлямэнту Ўладзімерам Канаплёвым міністар Дламіні-Зума адзначыла высокі ўзровень палітычнага супрацоўніцтва краінаў у рамках ААН і Руху недалучэньня. Дламіні-Зума таксама выказала пажаданьне аб ўзаемадзеяньні ў галіне вытворчасьці, сельскай гаспадаркі, навуковых тэхналёгіяў. Так, ПАР мае немалы досьвед у будаўніцтве модульных рэактараў, якім гатовая падзяліцца зь Беларусьсю.
Як перадае агенцтва Sapa, сябры Дэмакратычнага альянсу лічаць заўчасным нядаўні візыт у Беларусь міністра замежных справаў краіны Нкасазаны Дламіні-Зумы і яе перамовы зь беларускім кіраўніцтвам пра далейшае супрацоўніцтва ў палітыцы і эканоміцы.
Лідэр партыі Тоні Леон падкрэсьліў, што “заявы паўдзённаафрыканскага ўраду пра тое, што сувязь зь Беларусьсю ладзіцца дзеля барацьбы з апартэідам, ёсьць звычайным апраўданьнем такога дружалюбнага візыту... Такое тлумачэньне наіўнае, недарэчнае, недакладнае і пазбаўленае гістарычнай падставы. Для ПАР прыйшоў час арыентавацца на больш дэмакратычныя ідэалы”.
Кіраўніца замежнапалітычнага ведамства ПАР Нкасазана Дламіні-Зума наведала Беларусь сёлета на пачатку ліпеня. У часе сустрэчы з прэзыдэнтам Беларусі Аляксандрам Лукашэнкам і прадстаўніком Ніжняй палаты беларускага парлямэнту Ўладзімерам Канаплёвым міністар Дламіні-Зума адзначыла высокі ўзровень палітычнага супрацоўніцтва краінаў у рамках ААН і Руху недалучэньня. Дламіні-Зума таксама выказала пажаданьне аб ўзаемадзеяньні ў галіне вытворчасьці, сельскай гаспадаркі, навуковых тэхналёгіяў. Так, ПАР мае немалы досьвед у будаўніцтве модульных рэактараў, якім гатовая падзяліцца зь Беларусьсю.
