“Літаратурная Беларусь”. Культурна-грамадзкі праект ГА “Саюз беларускіх пісьменьнікаў”. Выпуск 1” — гэтак пазначанае новае выданьне, якое разьмясьцілася на васьмі старонках газэты “Новы час”.
“Літаратурная Беларусь” — гэта ўвасабленьне ўжо даўняй мары Саюзу беларускіх пісьменьнікаў мець свой друкаваны орган, у якім можна будзе бесцэнзурна зьмяшчаць усю інфармацыю пра дзейнасьць арганізацыі і творы яе сяброў, сказаў кіраўнік праекту старшыня СБП Алесь Пашкевіч.
Ранейшыя выданьні ў 2002 годзе ў Саюзу беларускіх пісьменьнікаў улада гвалтоўна адабрала. Асабліва адчувальная страта тыднёвіка “Літаратура і мастацтва”.
“На сёньня пераважная большасьць сяброў Саюзу беларускіх пісьменьнікаў ня могуць ня толькі апублікавацца ў гэтым пісьменьніцкім выданьні, але і ўбачыць там свае прозьвішчы і фатаздымкі. “Літаратура і Мастацтва” не асьвятляе шырока нацыянальны літаратурны працэс.
Таму, — сказаў спадар Пашкевіч, — мары мець сваё пэрыядычнае выданьне доўгі час выношваліся і нарэшце ўрэчаісьніліся ў асобным выпуску ці газэце ў газэце “Літаратурная Беларусь”.
Чаму свой друкаваны орган пісьменьнікі пачалі выдаваць як газэту ў газэце, старшыня Саюзу беларускіх пісьменьнікаў патлумачыў:
“Пачынаць рэгістраваць асобнае пэрыядычнае выданьне ў Беларусі зьвязана зь вялікімі і фінансавымі выдаткамі, і адміністрацыйнымі клопатамі.
Гэта зьвязана зь юрыдычным адрасам, зьвязана ў першую чаргу зь неабходнасьцю стварэньня ўнітарнага прадпрыемства. Таму мы сакратарыятам вырашылі, што будзе прасьцей тыя фінансавыя сродкі, якія будуць акумулёўвацца ў нас, укласьці якраз у пашырэньне фармату гэтага выпуску, а не ў аплаты чыноўніцкім бюракратычным гэтым рагаткам”, — сказаў Алесь Пашкевіч.
“Літаратурная Беларусь” з наступнага выпуску пабольшае да шаснаццаці старонак. Першы яе выпуск распаўсюджваецца сярод сяброў арганізацыі бясплатна.
Наступныя нумары можна набываць у незалежных распаўсюднікаў разам з газэтаю “Новы час”, заснаванай Менскай гарадзкой арганізацыяй ТБМ. На яе таксама можна падпісацца празь незалежную сыстэму падпіскі (празь якую ідзе падпіска на “Народную волю” і “Нашу Ніву”). З восені “Літаратурная Беларусь” будзе мець электронную вэрсію.
“Літаратурная Беларусь” — гэта ўвасабленьне ўжо даўняй мары Саюзу беларускіх пісьменьнікаў мець свой друкаваны орган, у якім можна будзе бесцэнзурна зьмяшчаць усю інфармацыю пра дзейнасьць арганізацыі і творы яе сяброў, сказаў кіраўнік праекту старшыня СБП Алесь Пашкевіч.
Ранейшыя выданьні ў 2002 годзе ў Саюзу беларускіх пісьменьнікаў улада гвалтоўна адабрала. Асабліва адчувальная страта тыднёвіка “Літаратура і мастацтва”.
“На сёньня пераважная большасьць сяброў Саюзу беларускіх пісьменьнікаў ня могуць ня толькі апублікавацца ў гэтым пісьменьніцкім выданьні, але і ўбачыць там свае прозьвішчы і фатаздымкі. “Літаратура і Мастацтва” не асьвятляе шырока нацыянальны літаратурны працэс.
Таму, — сказаў спадар Пашкевіч, — мары мець сваё пэрыядычнае выданьне доўгі час выношваліся і нарэшце ўрэчаісьніліся ў асобным выпуску ці газэце ў газэце “Літаратурная Беларусь”.
Чаму свой друкаваны орган пісьменьнікі пачалі выдаваць як газэту ў газэце, старшыня Саюзу беларускіх пісьменьнікаў патлумачыў:
“Пачынаць рэгістраваць асобнае пэрыядычнае выданьне ў Беларусі зьвязана зь вялікімі і фінансавымі выдаткамі, і адміністрацыйнымі клопатамі.
Гэта зьвязана зь юрыдычным адрасам, зьвязана ў першую чаргу зь неабходнасьцю стварэньня ўнітарнага прадпрыемства. Таму мы сакратарыятам вырашылі, што будзе прасьцей тыя фінансавыя сродкі, якія будуць акумулёўвацца ў нас, укласьці якраз у пашырэньне фармату гэтага выпуску, а не ў аплаты чыноўніцкім бюракратычным гэтым рагаткам”, — сказаў Алесь Пашкевіч.
“Літаратурная Беларусь” з наступнага выпуску пабольшае да шаснаццаці старонак. Першы яе выпуск распаўсюджваецца сярод сяброў арганізацыі бясплатна.
Наступныя нумары можна набываць у незалежных распаўсюднікаў разам з газэтаю “Новы час”, заснаванай Менскай гарадзкой арганізацыяй ТБМ. На яе таксама можна падпісацца празь незалежную сыстэму падпіскі (празь якую ідзе падпіска на “Народную волю” і “Нашу Ніву”). З восені “Літаратурная Беларусь” будзе мець электронную вэрсію.