Супрацоўнікі КДБ выклікалі на размовы некалькіх затрыманых раней моладзевых актывістаў кампаніі “Выратуем Горадню”. Ім раілі адмовіцца ад удзелу ў вулічных акцыях. Юнакоў палохалі тым, што яны ня змогуць навучацца і працаваць у краіне.
Гарадзенца Сьцяпана Сьвідзерскага на адміністрацыйнай камісіі райвыканкаму аштрафавалі на 40 базавых велічыняў. Паводле міліцыянтаў і супрацоўнікаў гарвыканкаму, ён сапсаваў выгляд гораду налепкамі з заклікам спыніць разбурэньне гістарычнай часткі Горадні.
Франак Вячорка ў Менску мусіць наведаць адміністрацыйную камісію Савецкага райвыканкаму. Яго затрымлівалі разам са Сьцяпанам.
Гаворыць актывіст кампаніі “Выратуем Горадню” Алесь Залеўскі:
“У гэтых акцыях удзельнічала шмат моладзі, якая раней не была заангажаваная ў палітычным жыцьці. Яны далучыліся да абароны. Цяпер, на жаль, дзяўчат і хлопцаў пачалі выклікаць на размовы ў рознага кшталту структуры.
Некалькі такіх размоваў адбылося ў КДБ, а таксама ў міліцыі, у аддзелах па справах непаўналетніх. Іх палохалі, што яны патрапілі ў нейкі сьпіс, што цяпер іх будучыня перакрэсьленая – яны нікуды не паступяць вучыцца і не ўладкуюцца на працу”.
Сябры руху “За Свабоду” і актывісты кампаніі “Выратуем Горадню” стварылі камітэт, які будзе назіраць за працэсамі над моладзевымі актывістамі і дапамагаць ім.
У гарадзенскіх акцыях бралі ўдзел моладзевыя актывісты з розных рухаў і нефармальных арганізацыяў. Моладзевая актывістка Партыі БНФ Ната Сеніна выказала “Свабодзе” сваё меркаваньне:
“Улады вельмі заклапочаныя. Яны не чакалі, што моладзь так актыўна адгукнецца на такую не зусім актуальную для моладзі праблему, як гістарычная спадчына, гістарычныя каштоўнасьці... Да таго ж, лета, калі моладзь мусіць быць у разьездах, на адпачынку. Улады баяцца палітычна актыўнай моладзі, тым больш, што наперадзе нас чакае больш актыўная восень. Гэта й акцыя супраць адмены льготаў, і эўрапейскі марш “За Свабоду”, у падрыхтоўцы якога моладзь бярэ актыўны ўдзел”.
Некалькі моладзевых актывістаў атрымалі позвы ў міліцыю й выклікі на паседжаньні адміністрацыйных камісіяў паводле месца жыхарства. Яны павінны зьявіцца туды на працягу тыдня.
Горадня: затрыманых удзельнікаў флэш-мобу выпусьцілі з пастарунку, 03.07.2007 • Горадня: пратэст супраць разбурэньняў скончыўся затрыманьнямі, 03.07.2007 Каму выгадна руйнаваньне Горадні?, 22.06.2007 Горадня: гісторыкі прапануюць не руйнаваць, а адбудоўваць, 21.06.2007 Пікетаваць у Горадні ў найбліжэйшыя выходныя не дазволілі, 20.06.2007 Горадня: памятны знак на месцы зруйнаванага дому прастаяў некалькі гадзінаў, 15.06.2007 У Горадні прайшлі мастацкія акцыі ў абарону старога гораду, 11.06.2007 Удзельнікаў акцыі "Абаронім Горадню разам" затрымалі да яе пачатку, 04.06.2007 Зварот супраць разбурэньня старой Горадні падпісалі 789 чалавек, 29.05.2007 Горадня: як спыніць разбурэньні ў гістарычнай забудове?, 27.05.2007 У Горадні разбураць камяніцу ХІХ стагодзьдзя, 25.05.2007
Гарадзенца Сьцяпана Сьвідзерскага на адміністрацыйнай камісіі райвыканкаму аштрафавалі на 40 базавых велічыняў. Паводле міліцыянтаў і супрацоўнікаў гарвыканкаму, ён сапсаваў выгляд гораду налепкамі з заклікам спыніць разбурэньне гістарычнай часткі Горадні.
Франак Вячорка ў Менску мусіць наведаць адміністрацыйную камісію Савецкага райвыканкаму. Яго затрымлівалі разам са Сьцяпанам.
Гаворыць актывіст кампаніі “Выратуем Горадню” Алесь Залеўскі:
“У гэтых акцыях удзельнічала шмат моладзі, якая раней не была заангажаваная ў палітычным жыцьці. Яны далучыліся да абароны. Цяпер, на жаль, дзяўчат і хлопцаў пачалі выклікаць на размовы ў рознага кшталту структуры.
Некалькі такіх размоваў адбылося ў КДБ, а таксама ў міліцыі, у аддзелах па справах непаўналетніх. Іх палохалі, што яны патрапілі ў нейкі сьпіс, што цяпер іх будучыня перакрэсьленая – яны нікуды не паступяць вучыцца і не ўладкуюцца на працу”.
Сябры руху “За Свабоду” і актывісты кампаніі “Выратуем Горадню” стварылі камітэт, які будзе назіраць за працэсамі над моладзевымі актывістамі і дапамагаць ім.
У гарадзенскіх акцыях бралі ўдзел моладзевыя актывісты з розных рухаў і нефармальных арганізацыяў. Моладзевая актывістка Партыі БНФ Ната Сеніна выказала “Свабодзе” сваё меркаваньне:
“Улады вельмі заклапочаныя. Яны не чакалі, што моладзь так актыўна адгукнецца на такую не зусім актуальную для моладзі праблему, як гістарычная спадчына, гістарычныя каштоўнасьці... Да таго ж, лета, калі моладзь мусіць быць у разьездах, на адпачынку. Улады баяцца палітычна актыўнай моладзі, тым больш, што наперадзе нас чакае больш актыўная восень. Гэта й акцыя супраць адмены льготаў, і эўрапейскі марш “За Свабоду”, у падрыхтоўцы якога моладзь бярэ актыўны ўдзел”.
Некалькі моладзевых актывістаў атрымалі позвы ў міліцыю й выклікі на паседжаньні адміністрацыйных камісіяў паводле месца жыхарства. Яны павінны зьявіцца туды на працягу тыдня.
Горадня: затрыманых удзельнікаў флэш-мобу выпусьцілі з пастарунку, 03.07.2007 • Горадня: пратэст супраць разбурэньняў скончыўся затрыманьнямі, 03.07.2007 Каму выгадна руйнаваньне Горадні?, 22.06.2007 Горадня: гісторыкі прапануюць не руйнаваць, а адбудоўваць, 21.06.2007 Пікетаваць у Горадні ў найбліжэйшыя выходныя не дазволілі, 20.06.2007 Горадня: памятны знак на месцы зруйнаванага дому прастаяў некалькі гадзінаў, 15.06.2007 У Горадні прайшлі мастацкія акцыі ў абарону старога гораду, 11.06.2007 Удзельнікаў акцыі "Абаронім Горадню разам" затрымалі да яе пачатку, 04.06.2007 Зварот супраць разбурэньня старой Горадні падпісалі 789 чалавек, 29.05.2007 Горадня: як спыніць разбурэньні ў гістарычнай забудове?, 27.05.2007 У Горадні разбураць камяніцу ХІХ стагодзьдзя, 25.05.2007