У бібліятэку вёскі Вялікая Кракотка Слонімскага раёну я прыехаў якраз на юбілей — тут адзначалі 80-годзьдзе.
Загадчыца Надзея Чабаненка распавядае, што бібліятэку стварылі ў 1927 годзе студэнты, якія вучыліся ў Вільні. Яны й надалі ёй імя Янкі Купалы, хаця Вялікая Кракотка знаходзілася тады пад Польшчай.
Спадарыня Надзея сьцьвярджае, што гэта была першая ў Беларусі ўстанова, якой надалі імя славутага клясыка. Цяпер у бібліятэцы больш за 11 тысяч кніг.
А я пытаюся: якія пэрспэктывы ў Вялікакракоцкай бібліятэкі?
“Ой, які нас лёс чакае... Бачыце, будынак які наш — дах працякае, сродкаў на рамонт няма. Усё ідзе да закрыцьця бібліятэкі. Насельніцтва ў нас мала ў вёсцы й навакольлі”, — адказвае спадарыня Чабаненка.
Сталая чытачка Раіса Міско ня верыць, што можа зьнікнуць такая вядомая ў раёне бібліятэка:
“Пераселяць яе ў хатку, дзе яна знаходзілася ў 1927 годзе. Будзе іншая, але ўсё роўна будзе. Жыхары не дазволяць, каб яна зьнікла, гэтага ня можа быць”.
“Пэрспэктыва такая: нам давядзецца зачыняць непэрспэктыўныя бібліятэкі, якіх ня мае сэнсу ўтрымліваць. А за кошт гэтых бібліятэк будуць узбуйняцца так званыя апорныя бібліятэкі”.
Ларыса Рэпінская распавядае, што кніжкі з зачыненых бібліятэк перадаюць у раённую альбо ў бліжэйшыя сельскія бібліятэкі. Зь яе словаў, людзі ў вёсках бяз кніжак не застануцца.
“Бібліятэкар будзе выяжджаць у суседнія вёскі на ровары ці на машыне. А аддаленыя вёскі будзе абслугоўваць бібліобус”, — кажа Рэпінская.
Я зьвярнуўся да адказнага спэцыяліста Гарадзенскага аблвыканкаму Людмілы Кадзевіч, каб даведацца пра лёс вясковых бібліятэк ва ўсёй вобласьці. Вось што яна мне адказала:
“Пра які лёс казаць? Лёс у іх цудоўны. Болей нічога вам не скажу”.
А што датычыць юбілею ў Вялікай Кракотцы, то прайшоў ён цудоўна, з канцэртам, сьпявалі беларускія песьні.
Загадчыца першай у Беларусі бібліятэкі імя Янкі Купалы Надзея Чабаненка
Цяперашні будынак бібліятэкі імя Янкі Купалы
Загадчыца Надзея Чабаненка распавядае, што бібліятэку стварылі ў 1927 годзе студэнты, якія вучыліся ў Вільні. Яны й надалі ёй імя Янкі Купалы, хаця Вялікая Кракотка знаходзілася тады пад Польшчай.
Спадарыня Надзея сьцьвярджае, што гэта была першая ў Беларусі ўстанова, якой надалі імя славутага клясыка. Цяпер у бібліятэцы больш за 11 тысяч кніг.
А я пытаюся: якія пэрспэктывы ў Вялікакракоцкай бібліятэкі?
“Ой, які нас лёс чакае... Бачыце, будынак які наш — дах працякае, сродкаў на рамонт няма. Усё ідзе да закрыцьця бібліятэкі. Насельніцтва ў нас мала ў вёсцы й навакольлі”, — адказвае спадарыня Чабаненка.
Сталая чытачка Раіса Міско ня верыць, што можа зьнікнуць такая вядомая ў раёне бібліятэка:
“Пераселяць яе ў хатку, дзе яна знаходзілася ў 1927 годзе. Будзе іншая, але ўсё роўна будзе. Жыхары не дазволяць, каб яна зьнікла, гэтага ня можа быць”.
Ларыса Рэпінская: “А аддаленыя вёскі будзе абслугоўваць бібліобус”
Загадчыца Слонімскай раённай цэнтралізаванай сыстэмы бібліятэк Ларыса Рэпінская не камэнтуе зьвестак пра тое, што зачыніцца бібліятэка ў Вялікай Кракотцы. Яна тлумачыць, чаму наагул зачыняюцца ў раёне бібліятэкі:“Пэрспэктыва такая: нам давядзецца зачыняць непэрспэктыўныя бібліятэкі, якіх ня мае сэнсу ўтрымліваць. А за кошт гэтых бібліятэк будуць узбуйняцца так званыя апорныя бібліятэкі”.
Ларыса Рэпінская распавядае, што кніжкі з зачыненых бібліятэк перадаюць у раённую альбо ў бліжэйшыя сельскія бібліятэкі. Зь яе словаў, людзі ў вёсках бяз кніжак не застануцца.
“Бібліятэкар будзе выяжджаць у суседнія вёскі на ровары ці на машыне. А аддаленыя вёскі будзе абслугоўваць бібліобус”, — кажа Рэпінская.
Я зьвярнуўся да адказнага спэцыяліста Гарадзенскага аблвыканкаму Людмілы Кадзевіч, каб даведацца пра лёс вясковых бібліятэк ва ўсёй вобласьці. Вось што яна мне адказала:
“Пра які лёс казаць? Лёс у іх цудоўны. Болей нічога вам не скажу”.
А што датычыць юбілею ў Вялікай Кракотцы, то прайшоў ён цудоўна, з канцэртам, сьпявалі беларускія песьні.
Загадчыца першай у Беларусі бібліятэкі імя Янкі Купалы Надзея Чабаненка
Цяперашні будынак бібліятэкі імя Янкі Купалы