На форумах парталу TUT.by гутараць пра магілёўскіх донараў, якія абвясьцілі папераджальны страйк супраць адмены льготаў.
“Чаго ганяць паветра, закон ужо падпісаны... раней трэба было страйкаваць і абурацца, чаго пісаць прэзыдэнту, пісалі б сваім дэпутатам, якія ладненька прагаласавалі “за” й зацьвердзілі закон”.
“Кроў няхай цяпер добраахвотна-прымусова акадэмія МУС здае”.
“Наўрад ці дапаможа... Цяпер донараў будуць гнаіць па БТ...”
“Ды якая розьніца... усё адно – як нашыя ўлады вырашылі, так і будзе. У нас ніякія страйкі не дапамогуць, пакуль будзем імкнуцца хаця б дзейнічаць, а так усё ціха і мірна, як што – дык адразу ў хатку”.
Чытачы сайту Нашай нівы абмяркоўваюць навіну пра тое, што сайт радыё Рацыя перайшоў на наркамаўку.
“Глупства. Маглі б даць кожнаму супрацоўніку кніжку “Клясычны правапіс-2005”.
“Вельмі прыемна, што сярод прыхільнікаў беларушчыны ёсьць і рацыянальныя людзі, якія сябруюць зь лёгікай, а ня толькі рамантычныя дон-кіхоты-лунацікі”.
“Ніхто, нідзе і ніколі не давёў навукова, што выбар "камуністычны/некамуністычны правапіс беларускай мовы" мае які-кольвечы ўплыў на паводзіны цяперашняга беларускага спажыўца. Таму любое рашэньне ў гэтай справе – чыстая палітыка, якая да пашырэньня рынку ("знайсьці новых чытачоў") ня мае ніякага дачыненьня”.
Аляксандар Брэчэк у сваім блогу на сайце telegraf.by разважаем пра барацьбу з карупцыяй у Беларусі: “...карупцыйныя справы ў Беларусі – гэта тя столькі насамрэч барацьба з карупцыяй, колькі інструмэнт палітычнай барацьбы за ўладу гаспадарчых і намэнклятурных клянаў з мэтай зьнішчэньня канкурэнтаў. А таксама вельмі зручны і своечасовы спосаб “выпусканьня пары” – маўклівай незадаволенасьці электарату. Асабліва ў крытычныя моманты эканамічных і палітычных крызысаў. Я пэўны, што з чаканым ускладненьнем зьнешне- і ўнутрыпалітычнай абстаноўкі ў краіне, карупцыйных працэсаў у Беларусі будзе рабіцца ўсё болей, і будуць яны гучнейшымі і больш выкрывальніцкімі. Хоць насамрэч нічога прынцыпова ня зьменіцца, бо калі карупцыяй заняцца па-сапраўднаму, дык можна зайсьці занадта далёка. Гэтак далёка й высока, што гэта будзе мець вельмі сур’ёзныя наступствы ўжо для самой улады”.
Блогер Algizzz у сваім дзёньніку зьмяшчае навіну пра тое, што ў Беларусі выяўлены канал адмываньня грошай праз плястыкавыя карткі. Затрыманы грамадзянін Расеі, які апавёў, што езьдзіў у Беларусі здымаць грошы з картак, заведзеных на грамадзянаў Украіны. За гэта яму заплацілі 100 даляраў. У валізцы, якую ў затрыманага канфіскавалі, было 400 тысячаў даляраў. “Госпадзе, ну чаму! – піша Algizzz. – Ну дай мне такі ж самы шанец, калі ласка! Я не падвяду! Я ня буду разгульваць з валізкай, як гэты, відаць зусім згаладнелы грамадзянін Расеі. Не! Я знайду гэтай валізцы больш каштоўны спосаб ужытку!”
“Я да канца лёгіку не зразумеў, – камэнтуе адзін з чытачоў блогу. – І да чаго тут карткі? Яны што ж, па 200 баксаў даставалі? І ў чым крымінал? Напэўна, за псаваньне банкаматаў цяпер закрыюць”.
“У нас банкаматаў, якія даляры выдаюць, штукі тры на ўвесь Менск. Улічваючы тое, што з адной карткі яны выдаюць ня болей за 200 баксаў на дзень, гэты чалавек павінен быў тусіць па Менску пяць з паловаю гадоў”.
У ЖЖ-суполцы lulu_gov_by зьявіўся новы палітычны каляж пад назвай “Эўрапейскі марш”. Аляксандар Лукашэнка вядзе за сабой калёну пад лёзунгам “Разам з Эўропай – за свабоду ад газавага дыктату”.
“Чаго ганяць паветра, закон ужо падпісаны... раней трэба было страйкаваць і абурацца, чаго пісаць прэзыдэнту, пісалі б сваім дэпутатам, якія ладненька прагаласавалі “за” й зацьвердзілі закон”.
“Кроў няхай цяпер добраахвотна-прымусова акадэмія МУС здае”.
“Наўрад ці дапаможа... Цяпер донараў будуць гнаіць па БТ...”
“Ды якая розьніца... усё адно – як нашыя ўлады вырашылі, так і будзе. У нас ніякія страйкі не дапамогуць, пакуль будзем імкнуцца хаця б дзейнічаць, а так усё ціха і мірна, як што – дык адразу ў хатку”.
Чытачы сайту Нашай нівы абмяркоўваюць навіну пра тое, што сайт радыё Рацыя перайшоў на наркамаўку.
“Глупства. Маглі б даць кожнаму супрацоўніку кніжку “Клясычны правапіс-2005”.
“Вельмі прыемна, што сярод прыхільнікаў беларушчыны ёсьць і рацыянальныя людзі, якія сябруюць зь лёгікай, а ня толькі рамантычныя дон-кіхоты-лунацікі”.
“Ніхто, нідзе і ніколі не давёў навукова, што выбар "камуністычны/некамуністычны правапіс беларускай мовы" мае які-кольвечы ўплыў на паводзіны цяперашняга беларускага спажыўца. Таму любое рашэньне ў гэтай справе – чыстая палітыка, якая да пашырэньня рынку ("знайсьці новых чытачоў") ня мае ніякага дачыненьня”.
Аляксандар Брэчэк у сваім блогу на сайце telegraf.by разважаем пра барацьбу з карупцыяй у Беларусі: “...карупцыйныя справы ў Беларусі – гэта тя столькі насамрэч барацьба з карупцыяй, колькі інструмэнт палітычнай барацьбы за ўладу гаспадарчых і намэнклятурных клянаў з мэтай зьнішчэньня канкурэнтаў. А таксама вельмі зручны і своечасовы спосаб “выпусканьня пары” – маўклівай незадаволенасьці электарату. Асабліва ў крытычныя моманты эканамічных і палітычных крызысаў. Я пэўны, што з чаканым ускладненьнем зьнешне- і ўнутрыпалітычнай абстаноўкі ў краіне, карупцыйных працэсаў у Беларусі будзе рабіцца ўсё болей, і будуць яны гучнейшымі і больш выкрывальніцкімі. Хоць насамрэч нічога прынцыпова ня зьменіцца, бо калі карупцыяй заняцца па-сапраўднаму, дык можна зайсьці занадта далёка. Гэтак далёка й высока, што гэта будзе мець вельмі сур’ёзныя наступствы ўжо для самой улады”.
Блогер Algizzz у сваім дзёньніку зьмяшчае навіну пра тое, што ў Беларусі выяўлены канал адмываньня грошай праз плястыкавыя карткі. Затрыманы грамадзянін Расеі, які апавёў, што езьдзіў у Беларусі здымаць грошы з картак, заведзеных на грамадзянаў Украіны. За гэта яму заплацілі 100 даляраў. У валізцы, якую ў затрыманага канфіскавалі, было 400 тысячаў даляраў. “Госпадзе, ну чаму! – піша Algizzz. – Ну дай мне такі ж самы шанец, калі ласка! Я не падвяду! Я ня буду разгульваць з валізкай, як гэты, відаць зусім згаладнелы грамадзянін Расеі. Не! Я знайду гэтай валізцы больш каштоўны спосаб ужытку!”
“Я да канца лёгіку не зразумеў, – камэнтуе адзін з чытачоў блогу. – І да чаго тут карткі? Яны што ж, па 200 баксаў даставалі? І ў чым крымінал? Напэўна, за псаваньне банкаматаў цяпер закрыюць”.
“У нас банкаматаў, якія даляры выдаюць, штукі тры на ўвесь Менск. Улічваючы тое, што з адной карткі яны выдаюць ня болей за 200 баксаў на дзень, гэты чалавек павінен быў тусіць па Менску пяць з паловаю гадоў”.
У ЖЖ-суполцы lulu_gov_by зьявіўся новы палітычны каляж пад назвай “Эўрапейскі марш”. Аляксандар Лукашэнка вядзе за сабой калёну пад лёзунгам “Разам з Эўропай – за свабоду ад газавага дыктату”.