У інтэрвію Радыё Свабода старшыня “Саюзу правых сілаў” Мікіта Бялых сказаў:
“Аб’яднаная грамадзянская партыя зьяўляецца нашым ідэалягічным і стратэгічным партнэрам у Беларусі ўжо некалькі гадоў. Для нас вельмі важна, што мы аднолькава разумеем тыя праблемы, што існуюць у нашых дзяржавах. І мы аднолькава разумеем, як павінны разьвівацца беларуска-расейскія дачыненьні. І гэта і ёсьць аснова для заключэньня нашай дамовы”.
Кіраўнік Аб’яднанай грамадзянскай партыі Анатоль Лябедзька ацэньвае пэрспэктывы наступным чынам:
“Ідзе час, нешта мяняецца. І трэба ўносіць карэктывы. Мы, так бы мовіць, правялі эўрарамонт пагадненьня, якое падпісалі з СПС яшчэ ў 2002 годзе. І вось што цікава — сёньня пераважная бальшыня расейскіх палітыкаў, незалежна ад іх палітычнай арыентацыі, гавораць літаральна тэзамі ды сказамі з таго пагадненьня.
Я думаю, што і новае пагадненьне ўсё ж такі будзе пэрспэктыўным і будзе апярэджваць мэнтальнасьць ды дзейнасьць многіх расейскіх палітыкаў”.
Падчас падпісаньня пагадненьня неаднойчы згадвалі ўчорашнюю беларуска-расейскую канфэрэнцыю, на якой абмяркоўвалі альтэрнатыўную ўладнай канцэпцыю супрацоўніцтва Масквы і Менску.
Удзельнік канфэрэнцыі Аляксандар Дабравольскі на пытаньне, чым гэты дакумэнт прынцыпова адрозьніваецца ад праграмы ўладаў, адказаў так:
“Калі сказаць самае галоўнае, дык гэта пераход ад заклінаньняў ды лёзунгаў у палітыцы паміж Беларусьсю і Расеяй на рацыянальную аснову. Там ёсьць канкрэтныя пункты, што трэба зрабіць, каб грамадзяне абедзьвюх краінаў ад гэтага выйгралі.
Крызыс паміж дзяржавамі — у канцэпцыі ёсьць такая характарыстыка — разьвіваецца таму, што, па-першае, урады прынялі не адпаведную ўзаемным інтарэсам стратэгію інтэграцыі. Па-другое, і ў Беларусі, і ў Расеі існуе востры дэфіцыт дэмакратыі, палітычнай і эканамічнай свабоды.
Трэцяе, назіраецца востры дэфіцыт свабоды слова ды сходаў. І чацьвертае — грамадзянская супольнасьць пазбаўленая магчымасьці вызначаць мэханізмы і формы супрацоўніцтва ды стратэгічнага партнэрства”.
Спадар Дабравольскі таксама паведаміў: пасьля ўнясеньня некаторых заўвагаў, што прагучалі падчас канфэрэнцыі, дакумэнт будзе выстаўлены на афіцыйным сайце АГП.
Гл. таксама:
Беларускія і расейскія дэмакраты шукаюць альтэрнатыву
Расея пераходзіць на рынкавыя дачыненьні. З усімі
Л.Сініцын: Далучэньне Беларусі да Расеі — гэта “зайчык у матрошцы”
У.Парфяновіч: Пуцін будзе вучыць беларускую мову
“Аб’яднаная грамадзянская партыя зьяўляецца нашым ідэалягічным і стратэгічным партнэрам у Беларусі ўжо некалькі гадоў. Для нас вельмі важна, што мы аднолькава разумеем тыя праблемы, што існуюць у нашых дзяржавах. І мы аднолькава разумеем, як павінны разьвівацца беларуска-расейскія дачыненьні. І гэта і ёсьць аснова для заключэньня нашай дамовы”.
Кіраўнік Аб’яднанай грамадзянскай партыі Анатоль Лябедзька ацэньвае пэрспэктывы наступным чынам:“Ідзе час, нешта мяняецца. І трэба ўносіць карэктывы. Мы, так бы мовіць, правялі эўрарамонт пагадненьня, якое падпісалі з СПС яшчэ ў 2002 годзе. І вось што цікава — сёньня пераважная бальшыня расейскіх палітыкаў, незалежна ад іх палітычнай арыентацыі, гавораць літаральна тэзамі ды сказамі з таго пагадненьня.
Я думаю, што і новае пагадненьне ўсё ж такі будзе пэрспэктыўным і будзе апярэджваць мэнтальнасьць ды дзейнасьць многіх расейскіх палітыкаў”.
Падчас падпісаньня пагадненьня неаднойчы згадвалі ўчорашнюю беларуска-расейскую канфэрэнцыю, на якой абмяркоўвалі альтэрнатыўную ўладнай канцэпцыю супрацоўніцтва Масквы і Менску.
Удзельнік канфэрэнцыі Аляксандар Дабравольскі на пытаньне, чым гэты дакумэнт прынцыпова адрозьніваецца ад праграмы ўладаў, адказаў так:
“Калі сказаць самае галоўнае, дык гэта пераход ад заклінаньняў ды лёзунгаў у палітыцы паміж Беларусьсю і Расеяй на рацыянальную аснову. Там ёсьць канкрэтныя пункты, што трэба зрабіць, каб грамадзяне абедзьвюх краінаў ад гэтага выйгралі.
Крызыс паміж дзяржавамі — у канцэпцыі ёсьць такая характарыстыка — разьвіваецца таму, што, па-першае, урады прынялі не адпаведную ўзаемным інтарэсам стратэгію інтэграцыі. Па-другое, і ў Беларусі, і ў Расеі існуе востры дэфіцыт дэмакратыі, палітычнай і эканамічнай свабоды.
Трэцяе, назіраецца востры дэфіцыт свабоды слова ды сходаў. І чацьвертае — грамадзянская супольнасьць пазбаўленая магчымасьці вызначаць мэханізмы і формы супрацоўніцтва ды стратэгічнага партнэрства”.
Спадар Дабравольскі таксама паведаміў: пасьля ўнясеньня некаторых заўвагаў, што прагучалі падчас канфэрэнцыі, дакумэнт будзе выстаўлены на афіцыйным сайце АГП.
Гл. таксама:
Беларускія і расейскія дэмакраты шукаюць альтэрнатыву
Расея пераходзіць на рынкавыя дачыненьні. З усімі
Л.Сініцын: Далучэньне Беларусі да Расеі — гэта “зайчык у матрошцы”
У.Парфяновіч: Пуцін будзе вучыць беларускую мову
