Каля двух дзясяткаў хлопцаў і дзяўчат чакалі на ганках Першамайскага райсуду, і міліцыя кваліфікавала іхныя дзеяньні як незаконнае пікетаваньне.
Каля будынку Першамайскага райсуду Віцебску некаторыя маладыя людзі стаялі з партрэтамі Валер’я Шчукіна. Іх міліцыянты сталі затрымліваць першымі.
Паводле сьведкі затрыманьняў Віктара Шляхціна, міліцыя гвалтам цягнула моладзь у машыны:
“Была сапраўдная бойка з удзелам АМАПу. Калі яны ўбачылі моладзь з партрэтамі Шчукіна, то пачалі ўсіх цягнуць у мікрааўтобус з грамадзянскімі нумарамі, без аніякіх апазнавальных знакаў. Моладзь адмовілася.
Пачалі хапаць дзяўчат, валілі на зямлю. Дзякуючы Валер’ю Аляксеевічу, які выбег з суду, дзяўчат удалося выцягнуць з аўтобуса. Тут увогуле на людзей не глядзелі, абыходзіліся зь імі абы-як”.
Пасьля бойкі зь міліцыянтамі пацярпелым давялося выклікаць хуткую дапамогу.
З падазрэньнем на страсеньне мозгу ў Віцебскі абласны шпіталь завезлі 9-гадовага сына актывісткі Крысьціны Шацікавай, якога міліцыянты ўдарылі галавой аб аўтобус. Забралі ў бальніцу яшчэ дзьвюх дзяўчат, 18-гадовую Крысьціну і 17-гадовую Алену.
Пяцёра затрыманых хлопцаў цяпер знаходзяцца ў Першамайскім райаддзеле міліцыі, дзе на іх складаюць пратаколы за несанкцыянаванае пікетаваньне і супраціў міліцыянтам.
Прозьвішчы і імёны затрыманых пакуль не вядомыя, бо падтрымаць Шчукіна прыехалі некалькі дзясяткаў не знаёмых між сабой людзей зь Менску, Магілёва, Берасьця, Горадні, Воршы, Паставаў, Полацку ды Наваполацку.
Бойка зь міліцыянтамі адбылася ў часе перапынку, які судзьдзя Надзея Гур’ян абвясьціла ў разглядзе крымінальнае справы Валер’я Шчукіна.
Грамадзкага актывіста вінавацяць у тым, што ён у выдадзеных ім улётках нібыта абразіў сябраў абласной і акруговай выбарчых камісіяў — напісаў, што тыя фальшавалі вынікі апошніх мясцовых выбараў.
Паводле 189-га артыкулу Крымінальнага кодэксу Шчукіну пагражае штраф, выпраўленчыя працы або да двух гадоў пазбаўленьня волі.
Заўтра працэс над журналістам і праваабаронцам працягнецца.
Каля будынку Першамайскага райсуду Віцебску некаторыя маладыя людзі стаялі з партрэтамі Валер’я Шчукіна. Іх міліцыянты сталі затрымліваць першымі.
Паводле сьведкі затрыманьняў Віктара Шляхціна, міліцыя гвалтам цягнула моладзь у машыны:
“Была сапраўдная бойка з удзелам АМАПу. Калі яны ўбачылі моладзь з партрэтамі Шчукіна, то пачалі ўсіх цягнуць у мікрааўтобус з грамадзянскімі нумарамі, без аніякіх апазнавальных знакаў. Моладзь адмовілася.
Пачалі хапаць дзяўчат, валілі на зямлю. Дзякуючы Валер’ю Аляксеевічу, які выбег з суду, дзяўчат удалося выцягнуць з аўтобуса. Тут увогуле на людзей не глядзелі, абыходзіліся зь імі абы-як”.
Пасьля бойкі зь міліцыянтамі пацярпелым давялося выклікаць хуткую дапамогу.
З падазрэньнем на страсеньне мозгу ў Віцебскі абласны шпіталь завезлі 9-гадовага сына актывісткі Крысьціны Шацікавай, якога міліцыянты ўдарылі галавой аб аўтобус. Забралі ў бальніцу яшчэ дзьвюх дзяўчат, 18-гадовую Крысьціну і 17-гадовую Алену.
Пяцёра затрыманых хлопцаў цяпер знаходзяцца ў Першамайскім райаддзеле міліцыі, дзе на іх складаюць пратаколы за несанкцыянаванае пікетаваньне і супраціў міліцыянтам.
Прозьвішчы і імёны затрыманых пакуль не вядомыя, бо падтрымаць Шчукіна прыехалі некалькі дзясяткаў не знаёмых між сабой людзей зь Менску, Магілёва, Берасьця, Горадні, Воршы, Паставаў, Полацку ды Наваполацку.
Бойка зь міліцыянтамі адбылася ў часе перапынку, які судзьдзя Надзея Гур’ян абвясьціла ў разглядзе крымінальнае справы Валер’я Шчукіна.
Грамадзкага актывіста вінавацяць у тым, што ён у выдадзеных ім улётках нібыта абразіў сябраў абласной і акруговай выбарчых камісіяў — напісаў, што тыя фальшавалі вынікі апошніх мясцовых выбараў.
Паводле 189-га артыкулу Крымінальнага кодэксу Шчукіну пагражае штраф, выпраўленчыя працы або да двух гадоў пазбаўленьня волі.
Заўтра працэс над журналістам і праваабаронцам працягнецца.
