<B>Віцебск: Шчукіна будуць судзіць за абразу сябраў выбаркаму</B>

Радыё Свабода Суд Першамайскага раёну сёньня ў 15.30 пачне разглядаць крымінальную справу, распачатую супраць вядомага журналіста і праваабаронцы паводле артыкулу 189 Крымінальнага Кодэксу. Валерыя Шчукіна вінавацяць у тым, што ён пісьмова абразіў сябраў абласной выбарчай камісіі і сябраў акруговай камісіі №52 г. Віцебску. Паводле гэтага артыкулу, асуджанаму пагражае грашовы штраф, папраўчыя працы або да двух гадоў пазбаўленьня волі.