Сэрыя акцый грамадзкага пратэсту распачалася ў Віцебску каля месяца таму – калі прадпрыемства "Віцебскводаканал" без дазволу Міністэрства культуры распачало земляныя працы на плошчы Свабоды. Пракладаючы камунікацыі, супрацоўнікі "Віцебскводаканалу" нішчылі рэшткі сабору, узарванага ў 1957 годзе – руйнавалі тое, што захавалася ад помніка архітэктуры пад тоўшчай зямлі ды асфальту. Гэтыя працы вяліся без дазволу Акадэміі навук і Міністэрства культуры, і спыніць іх так і не не ўдалося ні скаргамі ў пракуратуру, ні зваротамі да чыноўнікаў.
Сёньня катлаваны, у якіх былі добра відаць фрагмэнты старажытных муроў, ужо зноў засыпаныя. Але віцебскія актывісты працягваюць пратэставаць. Многім у горадзе вядома, што неўзабаве недалёка ад плошчы Свабоды з дазволу гарвыканкаму прадпрымальнік Аляксандар Данілаў зьбіраецца распачаць будаўніцтва моладзевага цэнтру. Пра аднаўленьне ж гістарычнага аблічча былой Саборнай плошчы гарадзкая адміністрацыя нават ня згадвае.
”Калі ня ведаць гісторыю, то й пратэст робіцца пустым.”
Таму, на думку кіраўніка моладзевага грамадзкага аб''яднаньня "Верас" Сяргея Шэлегава, скаргаў і заяваў будзе напісана яшчэ нямала. А ўчора для ўсіх, хто прыйшоў на імпрэзу "Грамадзкасьць Віцебску – за адраджэньне архітэктурнай спадчыны" спадар Шэлегаў правёў экскурсію па гістарычным цэнтры гораду:
"Асноўная ідэя палягала ў тым, каб падвысіць абазнанасьць у гісторыі Віцебска ў моладзі, дый ва ўсіх цікаўных жыхароў гораду. Шмат хто з нас можа пратэставаць супраць дзеяньняў улады, супраць парушэньняў заканадаўства аб ахове гістарычнай спадчыны. Але мы мусім ведаць, дзеля чаго канкрэтна мы змагаемся. Калі ня ведаць гісторыю, то й пратэст робіцца пустым".
Каля 20 чалавек паслухалі аповед пра віцебскія архітэктурныя помнікі, прайшліся па вуліцах старога гораду. Потым удзельнікі праекту "EuraUniver" зладзілі для іх гістарычную віктарыну, узнагародзіўшы самых абазнаных у гісторыі Віцебску адмысловымі прызамі – кнігамі і насьценнымі календарамі. Падарункі ад арганізатараў атрымаў таксама мастак Ян Таўпыга, які падчас экскурсіі рабіў замалёўкі краявідаў старога й сучаснага Віцебску.
Імпрэза на плошчы Свабоды не прыцягнула ўвагі ні супрацоўнікаў міліцыі, ні гарадзкіх чыноўнікаў: ніхто зь іх нават не пацікавіўся тым, што адбываецца на цэнтральнай плошчы гораду. Гэтаксама абыякава ахоўнікі правапарадку і ўлады былі паставіліся й да мастацкага пленэру, які віцебская моладзь зладзіла 24 траўня. Чарговая акцыя супраць зьнішчэньня гістарычнай спадчыны пройдзе ў Віцебску ўвечары 5 чэрвеня: гэта будзе грамадзкае набажэнства на плошчы Свабоды, у якім мяркуюць узяць удзел вернікі розных канфэсій і прадстаўнікі Беларускай Хрысьціянскай Дэмакратыі на чале з Паўлам Севярынцам.
Сёньня катлаваны, у якіх былі добра відаць фрагмэнты старажытных муроў, ужо зноў засыпаныя. Але віцебскія актывісты працягваюць пратэставаць. Многім у горадзе вядома, што неўзабаве недалёка ад плошчы Свабоды з дазволу гарвыканкаму прадпрымальнік Аляксандар Данілаў зьбіраецца распачаць будаўніцтва моладзевага цэнтру. Пра аднаўленьне ж гістарычнага аблічча былой Саборнай плошчы гарадзкая адміністрацыя нават ня згадвае.
”Калі ня ведаць гісторыю, то й пратэст робіцца пустым.”
Таму, на думку кіраўніка моладзевага грамадзкага аб''яднаньня "Верас" Сяргея Шэлегава, скаргаў і заяваў будзе напісана яшчэ нямала. А ўчора для ўсіх, хто прыйшоў на імпрэзу "Грамадзкасьць Віцебску – за адраджэньне архітэктурнай спадчыны" спадар Шэлегаў правёў экскурсію па гістарычным цэнтры гораду:
"Асноўная ідэя палягала ў тым, каб падвысіць абазнанасьць у гісторыі Віцебска ў моладзі, дый ва ўсіх цікаўных жыхароў гораду. Шмат хто з нас можа пратэставаць супраць дзеяньняў улады, супраць парушэньняў заканадаўства аб ахове гістарычнай спадчыны. Але мы мусім ведаць, дзеля чаго канкрэтна мы змагаемся. Калі ня ведаць гісторыю, то й пратэст робіцца пустым".Каля 20 чалавек паслухалі аповед пра віцебскія архітэктурныя помнікі, прайшліся па вуліцах старога гораду. Потым удзельнікі праекту "EuraUniver" зладзілі для іх гістарычную віктарыну, узнагародзіўшы самых абазнаных у гісторыі Віцебску адмысловымі прызамі – кнігамі і насьценнымі календарамі. Падарункі ад арганізатараў атрымаў таксама мастак Ян Таўпыга, які падчас экскурсіі рабіў замалёўкі краявідаў старога й сучаснага Віцебску.
Імпрэза на плошчы Свабоды не прыцягнула ўвагі ні супрацоўнікаў міліцыі, ні гарадзкіх чыноўнікаў: ніхто зь іх нават не пацікавіўся тым, што адбываецца на цэнтральнай плошчы гораду. Гэтаксама абыякава ахоўнікі правапарадку і ўлады былі паставіліся й да мастацкага пленэру, які віцебская моладзь зладзіла 24 траўня. Чарговая акцыя супраць зьнішчэньня гістарычнай спадчыны пройдзе ў Віцебску ўвечары 5 чэрвеня: гэта будзе грамадзкае набажэнства на плошчы Свабоды, у якім мяркуюць узяць удзел вернікі розных канфэсій і прадстаўнікі Беларускай Хрысьціянскай Дэмакратыі на чале з Паўлам Севярынцам.