У найноўшай гісторыі Беларусі працэс стварэньня палітычных фракцыяў бярэ пачатак ад Вярхоўнага Савету XII скліканьня.
Як паведамляе старшыня аргкамітэту Кангрэсу дэмакратычных сілаў Аляксандар Бухвостаў, цяпер ствараюць свае фракцыі партыя Беларускага народнага фронту, Партыя камуністаў беларуская, Беларуская сацыял-дэмакратычная партыя (Грамада) і Аб’яднаная грамадзянская партыя.
“Ня думаю, што фракцыяў будзе больш за 6-7, – прагназуе Аляксандар Бухвостаў. – Сем – гэта максымальная колькасьць. Калі фракцыя набірае больш як 87 дэлегатаў, альбо за 10 працэнтаў ад складу Кангрэсу, то яна будзе мець свайго прадстаўніка ў прэзыдыюме Палітрады”.
На Кангрэсе дэмакратычных сілаў сацыял-дэмакраты Аляксандра Казуліна аб’ядноўваюцца ў фракцыю “Справядлівая і салідарная Беларусь”.
Выканаўца абавязкаў старшыні БСДП (Грамада) Анатоль Ляўковіч лічыць, што гэтая фракцыя мае пэрспэктывы на будучыню:
“Калі на гэтым Кангрэсе можа быць прыняты рэглямэнт, што ён становіцца стала дзейным форумам, то ў такім выпадку мы будзем мець у краіне своеасаблівы парлямэнт. У ім будуць партыі, фракцыі, дзе можна выказвацца, абмяркоўваць пытаньні і гэтак далей. Гэта ж добрая практыка”.
На сойме Партыі БНФ у Менску 26 траўня было заяўлена: сябры БНФ ня маюць права ўваходзіць у іншыя фракцыі.
“Бо калі яны будуць удзельнічаць у іншых фракцыях, то мы адразу разгледзім пытаньне аб іх выключэньні з партыі БНФ”, – тлумачыць сакратар управы партыі БНФ Віктар Івашкевіч.
Прыхільнікі палітыкі Аляксандра Мілінкевіча асьцярожныя ў ацэнцы ролі фракцыяў, асабліва на гэты момант.
“Мы ня будзем разбуральнікамі гэтага працэсу, – гаворыць сябра Палітычнай рады дэмсілаў Віктар Карняенка. – Мы таксама створым сваю фракцыю, хаця ўспрымаем гэта як гульню. Мы – супраць паралельнага жыцьця ў палітычнай апазыцыі. Змагацца трэба за рэальную ўладу. А гэтая фракцыйнасьць – высьвятленьне адносінаў унутры апазыцыі. Гэта імітацыя дзейнасьці”.
Некаторыя палітвязьні крытычна ставяцца да ўдзелу ў Кангрэсе, 23.05.2007 Чаму пісьменьнікам не далі права голасу на Кангрэсе?, 22.05.2007 Статус дэлегатаў зь VIP-пэрсонаў атрымаюць толькі палітвязьні, 21.05.2007 М.Статкевіч: “Аснова нашай стратэгіі – эўрапейскі выбар” , 16.05.2007
Як паведамляе старшыня аргкамітэту Кангрэсу дэмакратычных сілаў Аляксандар Бухвостаў, цяпер ствараюць свае фракцыі партыя Беларускага народнага фронту, Партыя камуністаў беларуская, Беларуская сацыял-дэмакратычная партыя (Грамада) і Аб’яднаная грамадзянская партыя.
“Ня думаю, што фракцыяў будзе больш за 6-7, – прагназуе Аляксандар Бухвостаў. – Сем – гэта максымальная колькасьць. Калі фракцыя набірае больш як 87 дэлегатаў, альбо за 10 працэнтаў ад складу Кангрэсу, то яна будзе мець свайго прадстаўніка ў прэзыдыюме Палітрады”.
На Кангрэсе дэмакратычных сілаў сацыял-дэмакраты Аляксандра Казуліна аб’ядноўваюцца ў фракцыю “Справядлівая і салідарная Беларусь”.
Выканаўца абавязкаў старшыні БСДП (Грамада) Анатоль Ляўковіч лічыць, што гэтая фракцыя мае пэрспэктывы на будучыню:
“Калі на гэтым Кангрэсе можа быць прыняты рэглямэнт, што ён становіцца стала дзейным форумам, то ў такім выпадку мы будзем мець у краіне своеасаблівы парлямэнт. У ім будуць партыі, фракцыі, дзе можна выказвацца, абмяркоўваць пытаньні і гэтак далей. Гэта ж добрая практыка”.
На сойме Партыі БНФ у Менску 26 траўня было заяўлена: сябры БНФ ня маюць права ўваходзіць у іншыя фракцыі.
“Бо калі яны будуць удзельнічаць у іншых фракцыях, то мы адразу разгледзім пытаньне аб іх выключэньні з партыі БНФ”, – тлумачыць сакратар управы партыі БНФ Віктар Івашкевіч.
Прыхільнікі палітыкі Аляксандра Мілінкевіча асьцярожныя ў ацэнцы ролі фракцыяў, асабліва на гэты момант.
“Мы ня будзем разбуральнікамі гэтага працэсу, – гаворыць сябра Палітычнай рады дэмсілаў Віктар Карняенка. – Мы таксама створым сваю фракцыю, хаця ўспрымаем гэта як гульню. Мы – супраць паралельнага жыцьця ў палітычнай апазыцыі. Змагацца трэба за рэальную ўладу. А гэтая фракцыйнасьць – высьвятленьне адносінаў унутры апазыцыі. Гэта імітацыя дзейнасьці”.
Другі Кангрэс дэмакратычных сілаў адбудзецца ў Палацы культуры Менскага аўтазаводу 26-27 траўня. Менавіта ў гэтым будынку ў кастрычніку 2005 году прайшоў мінулы Кангрэс дэмакратычных сілаў, на якім Аляксандар Мілінкевіч быў вылучаны адзіным кандыдатам ад дэмсілаў на прэзыдэнцкія выбары 2006 году.
Згодна з рашэньнем дэлегатаў рэгіянальных канфэрэнцыяў дэмакратычную кааліцыю ачоляць сустаршыні. Аляксандар Мілінкевіч выступіць на Кангрэсе, але вылучацца ў сустаршыні ня будзе. Палітычная рада будзе фармавацца, зыходзячы з квотнага прынцыпу для палітычных суб’ектаў.
Згодна з рашэньнем дэлегатаў рэгіянальных канфэрэнцыяў дэмакратычную кааліцыю ачоляць сустаршыні. Аляксандар Мілінкевіч выступіць на Кангрэсе, але вылучацца ў сустаршыні ня будзе. Палітычная рада будзе фармавацца, зыходзячы з квотнага прынцыпу для палітычных суб’ектаў.
Некаторыя палітвязьні крытычна ставяцца да ўдзелу ў Кангрэсе, 23.05.2007 Чаму пісьменьнікам не далі права голасу на Кангрэсе?, 22.05.2007 Статус дэлегатаў зь VIP-пэрсонаў атрымаюць толькі палітвязьні, 21.05.2007 М.Статкевіч: “Аснова нашай стратэгіі – эўрапейскі выбар” , 16.05.2007
