Сёлета ў ёй узялі ўдзел каля сарака чалавек, у тым ліку прадстаўнікі грамадзкасьці Вялейкі, актывісты Аб’яднанай грамадзянскай партыі, а таксама сябры Аргкамітэту дзеля ўшанаваньня памяці ахвяраў сталінскіх рэпрэсій. У жалобных урачыстасьцях бралі ўдзел паэт Сяргей Законьнікаў, старшыня Рады беларускай інтэлігенцыі Уладзімер Колас, сакратар аргкамітэту Уладзімер Раманоўскі ды іншыя.
Спачатку адбылася жалобная акцыя ля Каменя памяці ў раёне Вялейскага вадасховішча. Пасьля невялічкага мітынгу грамадзкасьць ушанавала памяць ахвяраў сталінізму хвілінай маўчаньня. Сьвятар Леанід Акаловіч прачытаў памінальную малітву.
Потым на могілках, дзе ўсталяваны памятны знак расстраляным 24 чэрвеня ў двары Вялейскай турмы (каля тысячы чалавек), актывісты запалілі памінальныя сьвечкі . Далей прадстаўнікі аргкамітэту сустрэліся зь мясцовай грамадзкасьцю ў рамках Году памяці, прысьвечанага 70-годзьдзю трагічнага 1937 году – піку сталінскіх рэпрэсій.
Як паведаміў “Свабодзе” Ігар Кузьняцоў, 29 траўня ў рамках Году памяці адбудзецца ўшанаваньне памяці ахвяраў рэпрэсій у Курапатах, Лошыцы, парку Чалюскінцаў і Трасьцянцы. Акцыі памяці пройдуць таксама ў Баранавічах, Вялейцы, Барысаве, Бабруйску і ўсіх абласных цэнтрах Беларусі.
Зварот Грамадзкага аргкамітэту ў справе ўшанаваньня памяці ахвяраў сталінскіх рэпрэсій
Спачатку адбылася жалобная акцыя ля Каменя памяці ў раёне Вялейскага вадасховішча. Пасьля невялічкага мітынгу грамадзкасьць ушанавала памяць ахвяраў сталінізму хвілінай маўчаньня. Сьвятар Леанід Акаловіч прачытаў памінальную малітву.
Потым на могілках, дзе ўсталяваны памятны знак расстраляным 24 чэрвеня ў двары Вялейскай турмы (каля тысячы чалавек), актывісты запалілі памінальныя сьвечкі . Далей прадстаўнікі аргкамітэту сустрэліся зь мясцовай грамадзкасьцю ў рамках Году памяці, прысьвечанага 70-годзьдзю трагічнага 1937 году – піку сталінскіх рэпрэсій.
Як паведаміў “Свабодзе” Ігар Кузьняцоў, 29 траўня ў рамках Году памяці адбудзецца ўшанаваньне памяці ахвяраў рэпрэсій у Курапатах, Лошыцы, парку Чалюскінцаў і Трасьцянцы. Акцыі памяці пройдуць таксама ў Баранавічах, Вялейцы, Барысаве, Бабруйску і ўсіх абласных цэнтрах Беларусі.
Зварот Грамадзкага аргкамітэту ў справе ўшанаваньня памяці ахвяраў сталінскіх рэпрэсій
