Сёньня раніцай каля брамы менскіх Вайсковых могілак сабраліся сацыял-дэмакраты — паплечнікі Міколы Статкевіча, сябры былога Згуртаваньня беларускіх вайскоўцаў, іншыя апазыцыйныя актывісты.
Яны прайшлі па галоўнай алеі вайсковага мэмарыялу і ўсклалі кветкі да помніка загінулым у Другой усясьветнай вайне. Слова ўзяў сацыял-дэмакрат Алесь Арастовіч:
“На маёй памяці ўжо больш за пятнаццаць год, як сябры беларускага згуртаваньня вайскоўцаў, Народнай грамады, іншых арганізацыяў прыходзяць на Вайсковыя могілкі, каб схіліць галаву перад загінулымі ў Другую ўсясьветную вайну. Мы шануем памяць тых, хто са зброяй у руках змагаўся за свабоду нашай роднай Беларусі, хто бяз зброі ў руках загінуў у гэтую вайну”.
Вось што казаў апазыцыйны актывіст Вячаслаў Сіўчык:
“Нашая мэта — паказаць, што беларускія патрыятычныя сілы заўсёды былі са сваім народам. Бо вядома і пра антынацыскі, і пра антыбальшавіцкі супраціў, які беларускі народ увесь час аказваў. Людзі, якія тут пахаваныя, якія змагаліся з фашызмам, ня маюць дачыненьня да камунізму. Бо палітрукі былі асобна, заградаддзелы НКВД былі асобна, а франтавікі былі асобна”.
Апазыцыйныя актывісты таксама ўсклалі кветкі да магілаў клясыкаў беларускай літаратуры Янкі Купалы й Якуба Коласа, лётчыка Барыса Акрэсьціна, прасьпявалі гімн “Магутны Божа”.
Сёньня ўвечары з кветкамі на Вайсковыя могілкі таксама прыйдуць актывісты Беларускай сацыял-дэмакратычнай партыі “Грамада”.
9 траўня актывісты Аб’яднанай грамадзянскай партыі й Партыі камуністаў ускладуць кветкі да помніка Перамогі. Моладзевыя актывісты зьбіраюцца віншаваць вэтэранаў у парку Горкага.
Улады ж ладзяць сёньня ўрачысты сход і канцэрт у Палацы Рэспублікі.
9 траўня раніцай з Кастрычніцкай плошчы пачнецца шэсьце вэтэранаў, у якім традыцыйна бярэ ўдзел Аляксандар Лукашэнка. Шэсьце скончыцца ўскладаньнем вянкоў кветак да помніка на плошчы Перамогі.
9 траўня менскія ўлады таксама ладзяць адкрыцьцё помніка маршалу Жукаву, сьвяточныя канцэрты ў парку Горкага, каля Нацыянальнай бібліятэкі, каля Палацу культуры чыгуначнікаў. Розныя ўрачыстыя мерапрыемствы пройдуць і ва ўсіх раёнах Менску.
Актывісты апазыцыі на Вайсковых могілках
Яны прайшлі па галоўнай алеі вайсковага мэмарыялу і ўсклалі кветкі да помніка загінулым у Другой усясьветнай вайне. Слова ўзяў сацыял-дэмакрат Алесь Арастовіч:
“На маёй памяці ўжо больш за пятнаццаць год, як сябры беларускага згуртаваньня вайскоўцаў, Народнай грамады, іншых арганізацыяў прыходзяць на Вайсковыя могілкі, каб схіліць галаву перад загінулымі ў Другую ўсясьветную вайну. Мы шануем памяць тых, хто са зброяй у руках змагаўся за свабоду нашай роднай Беларусі, хто бяз зброі ў руках загінуў у гэтую вайну”.
Вось што казаў апазыцыйны актывіст Вячаслаў Сіўчык:
“Нашая мэта — паказаць, што беларускія патрыятычныя сілы заўсёды былі са сваім народам. Бо вядома і пра антынацыскі, і пра антыбальшавіцкі супраціў, які беларускі народ увесь час аказваў. Людзі, якія тут пахаваныя, якія змагаліся з фашызмам, ня маюць дачыненьня да камунізму. Бо палітрукі былі асобна, заградаддзелы НКВД былі асобна, а франтавікі былі асобна”.
Апазыцыйныя актывісты таксама ўсклалі кветкі да магілаў клясыкаў беларускай літаратуры Янкі Купалы й Якуба Коласа, лётчыка Барыса Акрэсьціна, прасьпявалі гімн “Магутны Божа”.
Сёньня ўвечары з кветкамі на Вайсковыя могілкі таксама прыйдуць актывісты Беларускай сацыял-дэмакратычнай партыі “Грамада”.
9 траўня актывісты Аб’яднанай грамадзянскай партыі й Партыі камуністаў ускладуць кветкі да помніка Перамогі. Моладзевыя актывісты зьбіраюцца віншаваць вэтэранаў у парку Горкага.
Улады ж ладзяць сёньня ўрачысты сход і канцэрт у Палацы Рэспублікі.
9 траўня раніцай з Кастрычніцкай плошчы пачнецца шэсьце вэтэранаў, у якім традыцыйна бярэ ўдзел Аляксандар Лукашэнка. Шэсьце скончыцца ўскладаньнем вянкоў кветак да помніка на плошчы Перамогі.
9 траўня менскія ўлады таксама ладзяць адкрыцьцё помніка маршалу Жукаву, сьвяточныя канцэрты ў парку Горкага, каля Нацыянальнай бібліятэкі, каля Палацу культуры чыгуначнікаў. Розныя ўрачыстыя мерапрыемствы пройдуць і ва ўсіх раёнах Менску.
Актывісты апазыцыі на Вайсковых могілках
