Арганізатары сьвяткаваньня Аляксандар Бухвостаў і Генадзь Фядыніч спрабавалі ў пятніцу абскардзіць рашэньне Менгарвыканкаму ў гарадзкім судзе, але безвынікова.
Гаворыць сакратар Партыі камуністаў Валеры Ўхналёў:
“Менгарвыканкам не дазволіў нам збору і шэсьця ад Акадэміі навук да парку Дружбы народаў. Але мы ўжо ня здолеем пераарыентаваць людзей. І таму зь людзьмі, што прыйдуць да Акадэміі навук, мы пойдзем на Бангалор, дзе правядзем мітынг з удзелам творчых калектываў. У гэтым мерапрыемстве будуць браць удзел і нашы актывісты, якія прыедуць з усіх буйных гарадоў краіны ў горад Менск”.
Актывісты левых апазыцыйных партыяў з рэгіёнаў зьбіраюцца 1 траўня прыехаць у Менск. Хаця ў некаторых месцах, магчыма, пройдуць лякальныя маёўкі.
На маёўцы маюць намер выступіць Кася Камоцкая, Зьміцер Бартосік, Ігар Варашкевіч, гурты “Таварыш Маўзэр”, “Чырвоным па беламу” ды іншыя.
Традыцыйна сьвята працы адзначаюць і сацыял-дэмакраты. Гаворыць выканаўца абавязкаў старшыні Беларускай сацыял-дэмакратычнай партыі “Грамада” Анатоль Ляўковіч:
“Першамай — традыцыйна наша сьвята, сьвята людзей наёмнай працы. Сёньня яно, канечне, пашыранае. Першамай — гэта сьвята, якое дэманструе прынцыпы салідарнасьці, справядлівасьці, свабоды — гэта прынцыпы ўсясьветнай сацыял-дэмакратыі. І колькі існуе наша партыя, а яна існуе больш за шаснаццаць гадоў, мы заўжды традыцыйна адзначалі гэтае сьвята. Першамай — гэта заўжды маёўкі, мерапрыемствы, салідарнасьць”.
Арганізатары маёўкі гавораць, што яна будзе актам салідарнасьці з палітзьняволенымі, і з усімі тымі, чые правы парушаюцца ў Беларусі.
Гаворыць сакратар Партыі камуністаў Валеры Ўхналёў:
“Менгарвыканкам не дазволіў нам збору і шэсьця ад Акадэміі навук да парку Дружбы народаў. Але мы ўжо ня здолеем пераарыентаваць людзей. І таму зь людзьмі, што прыйдуць да Акадэміі навук, мы пойдзем на Бангалор, дзе правядзем мітынг з удзелам творчых калектываў. У гэтым мерапрыемстве будуць браць удзел і нашы актывісты, якія прыедуць з усіх буйных гарадоў краіны ў горад Менск”.
Актывісты левых апазыцыйных партыяў з рэгіёнаў зьбіраюцца 1 траўня прыехаць у Менск. Хаця ў некаторых месцах, магчыма, пройдуць лякальныя маёўкі.
На маёўцы маюць намер выступіць Кася Камоцкая, Зьміцер Бартосік, Ігар Варашкевіч, гурты “Таварыш Маўзэр”, “Чырвоным па беламу” ды іншыя.
Традыцыйна сьвята працы адзначаюць і сацыял-дэмакраты. Гаворыць выканаўца абавязкаў старшыні Беларускай сацыял-дэмакратычнай партыі “Грамада” Анатоль Ляўковіч:
“Першамай — традыцыйна наша сьвята, сьвята людзей наёмнай працы. Сёньня яно, канечне, пашыранае. Першамай — гэта сьвята, якое дэманструе прынцыпы салідарнасьці, справядлівасьці, свабоды — гэта прынцыпы ўсясьветнай сацыял-дэмакратыі. І колькі існуе наша партыя, а яна існуе больш за шаснаццаць гадоў, мы заўжды традыцыйна адзначалі гэтае сьвята. Першамай — гэта заўжды маёўкі, мерапрыемствы, салідарнасьць”.
Арганізатары маёўкі гавораць, што яна будзе актам салідарнасьці з палітзьняволенымі, і з усімі тымі, чые правы парушаюцца ў Беларусі.