Актывісты незарэгістраванай арганізацыі “Малады фронт” наведаюць Рыгора Барадуліна, Аляксандра Мілінкевіча, Уладзіміра Арлова ды іншых грамадзкіх дзеячоў, каб павіншаваць іх са сьвятам. Яны падрыхтавалі падарункі – фарбаваныя яйкі і паштоўкі, якія дзяўчынкі зрабілі сваімі рукамі.
Зьміцер Хведарук, якога хутка будуць судзіць за ўдзел у незарэгістраванай арганізацыі, распавёў “Свабодзе”:
“Мы вырашылі абыйсьці ў гэты сьвяточны дзень вядомых палітыкаў, вядомых пісьменьнікаў, літаратараў такіх як рыгор Барадулін, Аляксандар Мілінкевіч, Уладзімір Арлоў ды яшчэ некаторых выбітных асобаў з фарбаванымі яйкамі, з нашымі фірмовымі падарункамі, каб яшчэ раз зазначыць, што сьвята Вялікдзень – сьвята Адраджэньня, сьвята Свабоды, сьвята вясновага абуджэньня Беларусі”.
Людміла Атакулава разам з некалькімі дзяўчатамі з паперы вырабляла паштоўкі.
“Гэтыя паштоўкі зробленыя з паперы з матывамі Вялікадня, з яйкамі, з птушачкамі, сонейкам і вясновым настроем. Думаю, ім будзе гэта вельмі прыемна. Акрамя таго, такія ж паштовачкі накіравалі палітвязьням, каб яны не забываліся пра Вялікдзень”.
Уладзімір Арлоў шмат увагі надаваў маладафронтаўцам. Ён наведваў актывістаў “Маладога фронту” у Салігорску, Жодзіне, Менску, калі тыя трымалі галадоўку. Некалькі разоў наведваў Паўла Севярынца ў вёсцы Малое Сітна, дзе хлопец адбывае пакараньне за арганізацыю вулічных дэманстрацый пратэсту супраць фальсыфікацыі вынікаў выбараў і рэфэрэндуму-2004. Наведваў Артура Фінькевіча, калі той трапіў на “хімію” за палітычныя графіці.
“Я з велізарнай любоўю стаўлюся да “Маладога фронту”. Думаю, што гэта тыя людзі, за якімі будучыня Беларусі. Я рады любым кантактам з гэтымі маладымі людзьмі, зь якімі я летась быў побач на пляцы Каліноўскага”.
Большасьць актывістаў “Маладога фронту” належаць да праваслаўнай канфэсіі. Зьміцер Дашкевіч, які адбывае пакараньне за ўдзел у незарэгістраванай арганізацыі ў Шклоўскай турме, і Барыс Гарэцкі, якога хутка будуць судзіць паводле аналягічнага абвінавачаньня, -- пратэстанты. Шмат хто з маладафронтаўцаў сьвядома сталі вернікамі-хрысьціянамі , нягледзячы на тое, што выхоўваліся ў атэістычных сем’ях. Сёньня, як і ў нядзелю, яны спачатку наведаюць царкву, а адтуль пойдуць віншаваць вызначаных асобаў.
“Мы вырашылі абыйсьці ў гэты сьвяточны дзень вядомых палітыкаў, вядомых пісьменьнікаў, літаратараў такіх як рыгор Барадулін, Аляксандар Мілінкевіч, Уладзімір Арлоў ды яшчэ некаторых выбітных асобаў з фарбаванымі яйкамі, з нашымі фірмовымі падарункамі, каб яшчэ раз зазначыць, што сьвята Вялікдзень – сьвята Адраджэньня, сьвята Свабоды, сьвята вясновага абуджэньня Беларусі”.
Людміла Атакулава разам з некалькімі дзяўчатамі з паперы вырабляла паштоўкі.
“Гэтыя паштоўкі зробленыя з паперы з матывамі Вялікадня, з яйкамі, з птушачкамі, сонейкам і вясновым настроем. Думаю, ім будзе гэта вельмі прыемна. Акрамя таго, такія ж паштовачкі накіравалі палітвязьням, каб яны не забываліся пра Вялікдзень”.
Уладзімір Арлоў шмат увагі надаваў маладафронтаўцам. Ён наведваў актывістаў “Маладога фронту” у Салігорску, Жодзіне, Менску, калі тыя трымалі галадоўку. Некалькі разоў наведваў Паўла Севярынца ў вёсцы Малое Сітна, дзе хлопец адбывае пакараньне за арганізацыю вулічных дэманстрацый пратэсту супраць фальсыфікацыі вынікаў выбараў і рэфэрэндуму-2004. Наведваў Артура Фінькевіча, калі той трапіў на “хімію” за палітычныя графіці.
“Я з велізарнай любоўю стаўлюся да “Маладога фронту”. Думаю, што гэта тыя людзі, за якімі будучыня Беларусі. Я рады любым кантактам з гэтымі маладымі людзьмі, зь якімі я летась быў побач на пляцы Каліноўскага”.
Большасьць актывістаў “Маладога фронту” належаць да праваслаўнай канфэсіі. Зьміцер Дашкевіч, які адбывае пакараньне за ўдзел у незарэгістраванай арганізацыі ў Шклоўскай турме, і Барыс Гарэцкі, якога хутка будуць судзіць паводле аналягічнага абвінавачаньня, -- пратэстанты. Шмат хто з маладафронтаўцаў сьвядома сталі вернікамі-хрысьціянамі , нягледзячы на тое, што выхоўваліся ў атэістычных сем’ях. Сёньня, як і ў нядзелю, яны спачатку наведаюць царкву, а адтуль пойдуць віншаваць вызначаных асобаў.
