Прадстаўнікі сям’і Джуста-Барначын спасылаліся на Нью-Ёрскую і Страсбурскую канвэнцыю пра правы дзіцяці. Паводле адвакатаў, гэтыя правы дзяўчынкі груба парушаліся ў яе на радзіме. Аднак апэляцыйны суд палічыў аргумэнты недастатковымі і не задаволіў пазоў сужэнцаў з Кагалета, паведамляе Corriere della Sera.
Паводле італьянскіх праваабаронцаў, у прыняцьці свайго рашэньня правасудзьдзе кіравалася найперш інтарэсамі міждзяржаўных дачыненьняў. Напярэдадні, у выніку падпісаньня двухбаковых пагадненьняў, Рыму і Менску ўдалося пайсьці на кампраміс і аднавіць паездкі беларускіх дзяцей у Італію. Дыпляматычны крызыс, які ўзьнік летась у верасьні пасьля выкраданьня вілейскай сіраты сям’ёй з Кагалета, быў, такім чынам, пераадолены. Як заявіла міністар Розы Біндзі, “дасягнутыя вынікі ёсьць вельмі важнымі”.
З гэтым не пагаджаюцца прадстаўнікі праваабарончай арганізацыі “Сябры дзяцей”.
“Праблема ў тым, што ня можа быць агульных посьпехаў і важных вынікаў, калі ігнаруецца канкрэтны лёс канкрэтнага дзіцяці”, – кажа Свабодзе прадстаўніца гэтай арганізацыі.
Самі сужэнцы з Кагалета не губляюць надзеі на тое, што аднойчы 11-гадовая беларуская сірата Віка Мароз “вернецца ў сям’ю, якую лічыць сваёй”. Неўзабаве ў Алесандра Джуста і Марыі-К’яры Барначын зьявіцца ўласнае дзіця. Аднак, кажуць Алесандра і Марыя-К’яра, яны хочуць, каб і Віка Мароз была шчасьлівай і разам зь імі, а таму гатовыя прысьвяціць гэтаму сваё далейшае жыцьцё, піша італьянская агэнцыя Аnsa.
Сваё ўласнае разуменьне шчасьця беларуская дзяўчынка выказала ў інтэрвію італьянскай тэлевізіі наступнымі словамі: “Я хачу ў Італію да мамы”.
Тым часам гісторыя 11-гадовай Вікі, якая больш вядомая ў Італіі пад імем “Марыя” лягла ў аснову кнігі “Марыя і дзеці раздору”, а таксама кінафільма “Ў імя Марыі”. Гэта стужка цяпер здымаецца ў італьянскім П’ямоньце. Кінафільм прысьвечаны ня толькі Віцы, але і сотням хворых і неўладкаваных чарнобыльскіх дзяцей. Паводле італьянскага Primocanale, здымкі будуць весьціся і ва Ўкраіне. Пра Беларусь у паведамленьні ня згадваецца.
Гл. таксама
Сям’я Джуста і Барначын чакае сына і па-ранейшаму змагаецца за дачку
Лёс Вікі Мароз абмеркавалі ў Міляне
Паводле італьянскіх праваабаронцаў, у прыняцьці свайго рашэньня правасудзьдзе кіравалася найперш інтарэсамі міждзяржаўных дачыненьняў. Напярэдадні, у выніку падпісаньня двухбаковых пагадненьняў, Рыму і Менску ўдалося пайсьці на кампраміс і аднавіць паездкі беларускіх дзяцей у Італію. Дыпляматычны крызыс, які ўзьнік летась у верасьні пасьля выкраданьня вілейскай сіраты сям’ёй з Кагалета, быў, такім чынам, пераадолены. Як заявіла міністар Розы Біндзі, “дасягнутыя вынікі ёсьць вельмі важнымі”.
З гэтым не пагаджаюцца прадстаўнікі праваабарончай арганізацыі “Сябры дзяцей”.
“Праблема ў тым, што ня можа быць агульных посьпехаў і важных вынікаў, калі ігнаруецца канкрэтны лёс канкрэтнага дзіцяці”, – кажа Свабодзе прадстаўніца гэтай арганізацыі.
Самі сужэнцы з Кагалета не губляюць надзеі на тое, што аднойчы 11-гадовая беларуская сірата Віка Мароз “вернецца ў сям’ю, якую лічыць сваёй”. Неўзабаве ў Алесандра Джуста і Марыі-К’яры Барначын зьявіцца ўласнае дзіця. Аднак, кажуць Алесандра і Марыя-К’яра, яны хочуць, каб і Віка Мароз была шчасьлівай і разам зь імі, а таму гатовыя прысьвяціць гэтаму сваё далейшае жыцьцё, піша італьянская агэнцыя Аnsa.
Сваё ўласнае разуменьне шчасьця беларуская дзяўчынка выказала ў інтэрвію італьянскай тэлевізіі наступнымі словамі: “Я хачу ў Італію да мамы”.
Тым часам гісторыя 11-гадовай Вікі, якая больш вядомая ў Італіі пад імем “Марыя” лягла ў аснову кнігі “Марыя і дзеці раздору”, а таксама кінафільма “Ў імя Марыі”. Гэта стужка цяпер здымаецца ў італьянскім П’ямоньце. Кінафільм прысьвечаны ня толькі Віцы, але і сотням хворых і неўладкаваных чарнобыльскіх дзяцей. Паводле італьянскага Primocanale, здымкі будуць весьціся і ва Ўкраіне. Пра Беларусь у паведамленьні ня згадваецца.
Гл. таксама
Сям’я Джуста і Барначын чакае сына і па-ранейшаму змагаецца за дачку
Лёс Вікі Мароз абмеркавалі ў Міляне