Нагадаем, супрацоўнікі АМАПу затрымалі старшыню Партыі БНФ Вінцука Вячорку ўвечары 13 сакавіка ля дзьвярэй кватэры на вуліцы Кальцова. Ён вяртаўся разам з дачкой дадому.У гэты ж час быў затрыманы на плошчы Якуба Коласа і дастаўлены ва УУС Савецкага раёна актывіст апазыцыі Вячаслаў Сіўчык. Потым іх зьмясьцілі ў спэцпрыёмнік-разьмеркавальнік на вуліцы Акрэсьціна. 14 сакавіка Вінцука Вячорку і Вячаслава Сіўчыка выпусьцілі, даўшы позвы ў Савецкі суд на 23 сакавіка для разгляду адміністрацыйных справаў.
Вячаслава Сіўчыка абвінавацілі ў тым, што ён нібыта спраўляў натуральную патрэбу ў двары аднаго з дамоў на праспэкце Незалежнасьці. Вінцука Вячорку абвінавацілі, што ён нібыта нецэнзурна лаяўся ў прысутнасьці сваіх дзяцей.
Сёньня каля Савецкага суду спадара Вячорку і Сіўчыка чакалі актывісты апазыцыі, праваабаронцы і журналісты. Вінцук Вячорка у суд не зьявіўся. Судзьдзя Людміла Савасьцян сказала, што суд пра гэта не быў папярэджаны, таму аформлены прывад спадара Вячоркі ў суд на 4 красавіка. Судзьдзя Аксана Рэлява сказала, што спадар Сіўчык спазьніўся ў суд на паўгадзіны, таму адносна яго таксама аформлены прывад на 4 красавіка аб 11 гадзіне.
Сёньня каля Савецкага суду спадара Вячорку і Сіўчыка чакалі актывісты апазыцыі, праваабаронцы і журналісты. Вінцук Вячорка у суд не зьявіўся. Судзьдзя Людміла Савасьцян сказала, што суд пра гэта не быў папярэджаны, таму аформлены прывад спадара Вячоркі ў суд на 4 красавіка. Судзьдзя Аксана Рэлява сказала, што спадар Сіўчык спазьніўся ў суд на паўгадзіны, таму адносна яго таксама аформлены прывад на 4 красавіка аб 11 гадзіне.