Супрацоўніца міністэрства паведаміла: “Нам проста не дазваляюць зьбіраць такую апэратыўную інфармацыю. Ёсьць “Закон аб статыстыцы”, які рэглямэнтуе, што ўсе справаздачы павінны зацьвярджацца менавіта пастановай Мінстату, і такія апэратыўныя зьвесткі непажаданыя яшчэ і ў адпаведнасьці з дырэктывай №2 прэзыдэнта. І, шчыра кажучы, кіраўніцтва нават не запрошвае такой інфармацыі. Калі б яшчэ кіраўніцтва дало заданьне, канечне, зьбіралі б”.
Ёсьць ужо й першыя сьмяротныя выпадкі. Да прыкладу, у Смалявічах ад пераахалоджваньня 21 лютага памёр мужчына.
Толькі ў Маладэчне ў хірургічным аддзяленьні 1-га гарадзкога шпіталю на сёньняшні дзень знаходзіцца пяцёра чалавек з абмарожваньнямі розных ступеняў. Аднаму ампутавалі абедзьве нагі на ўзроўні галёнкі — чалавек пайшоў у лес у гумовых ботах; другому ампутавалі пальцы рук.
У Рэспубліканскі апёкавы цэнтар, які знаходзіцца цяпер у 2-м гарадзкім шпіталі Менску, усяго з пачатку 2007 году зьвярнуліся 39 чалавек з абмарожваньнямі. Пра сваіх пацыентаў распавядае загадчык апёкавага цэнтру 2-га гарадзкога клінічнага шпіталю Міхаіл Галіноўскі.
Галіноўскі: “Усяго шпіталізавана пятнаццаць чалавек. На сёньняшні дзень шасьцёра знаходзяцца на лячэньні. Дваім зробленыя апэрацыі з ампутацыяй — у аднаго чатыры канечнасьці ампутаваныя, у другога дзьве. Цяпер шасьцёра чалавек лекуюцца”.
Карэспандэнтка: “А ў іх якія пашкоджаньні?”
Галіноўскі: “У іх паверхневыя. Вось такія ахвяры абмарожаньня”.
Карэспандэнтка: “Ці гэта ў цьвярозым стане?”
Галіноўскі: “Не, усе на добрым падпітку. Колькі яны прабылі на марозе, яны самі ня памятаюць. Да нас вязуць толькі “сьвежых”, а людзей з застарэлымі ранамі, дзе ўжо разьвілася гангрэна, лекуюць у гнойных аддзяленьнях паводле месца жыхарства, у іншых шпіталях. Калі пратрымаюцца маразы, значыць, і народ у нас будзе. Сёньня сьвята, наперадзе выходныя. Вып’юць, і хтосьці стане ахвярай”.
Ёсьць ужо й першыя сьмяротныя выпадкі. Да прыкладу, у Смалявічах ад пераахалоджваньня 21 лютага памёр мужчына.
Толькі ў Маладэчне ў хірургічным аддзяленьні 1-га гарадзкога шпіталю на сёньняшні дзень знаходзіцца пяцёра чалавек з абмарожваньнямі розных ступеняў. Аднаму ампутавалі абедзьве нагі на ўзроўні галёнкі — чалавек пайшоў у лес у гумовых ботах; другому ампутавалі пальцы рук.
У Рэспубліканскі апёкавы цэнтар, які знаходзіцца цяпер у 2-м гарадзкім шпіталі Менску, усяго з пачатку 2007 году зьвярнуліся 39 чалавек з абмарожваньнямі. Пра сваіх пацыентаў распавядае загадчык апёкавага цэнтру 2-га гарадзкога клінічнага шпіталю Міхаіл Галіноўскі.
Галіноўскі: “Усяго шпіталізавана пятнаццаць чалавек. На сёньняшні дзень шасьцёра знаходзяцца на лячэньні. Дваім зробленыя апэрацыі з ампутацыяй — у аднаго чатыры канечнасьці ампутаваныя, у другога дзьве. Цяпер шасьцёра чалавек лекуюцца”.
Карэспандэнтка: “А ў іх якія пашкоджаньні?”
Галіноўскі: “У іх паверхневыя. Вось такія ахвяры абмарожаньня”.
Карэспандэнтка: “Ці гэта ў цьвярозым стане?”
Галіноўскі: “Не, усе на добрым падпітку. Колькі яны прабылі на марозе, яны самі ня памятаюць. Да нас вязуць толькі “сьвежых”, а людзей з застарэлымі ранамі, дзе ўжо разьвілася гангрэна, лекуюць у гнойных аддзяленьнях паводле месца жыхарства, у іншых шпіталях. Калі пратрымаюцца маразы, значыць, і народ у нас будзе. Сёньня сьвята, наперадзе выходныя. Вып’юць, і хтосьці стане ахвярай”.