Маладафронтаўцы разьлічваюць, што ў акцыі возьмуць удзел ад 150 да 300 чалавек. Шмат каму зь іх упершыню давядзецца ўдзельнічаць у касьцюмаваным шэсьці. Калі адбылася першая акцыя, прысьвечаная Дню сьвятога Валянціна, яны вучыліся ў першай клясе.
Сёньня заплянавана тэатральнае шоў. Сябры “Маладога фронту” лічаць, што менчукам акцыя спадабаецца. Гаворыць Маргарыта Савановіч.
Савановіч: “Гэта будзе сапраўднае касьцюмаванае шоў. Праграма ўключае шмат цікавых мерапрыемстваў. Асабліва гэта будзе цікава моладзі, бо менавіта моладзь жадае свабоды, каханьня, жадае, каб хутчэй прыйшла вясна, цяплыні і сьветлых пачуцьцяў”.
Актывіст “Маладога фронту” Барыс Гарэцкі.
Гарэцкі: “Гэта якраз такое моладзевае сьвята, якое “Малады фронт” успрымае не як дзень каханьня, ці там нейкія пацалункі ў сквэрыку, а сапраўдны дзень любові да нашай краіны, дзень любові да Эўропы. Мы ставімся да гэтага сьвята праз прызму таго, што мы любім Беларусь, мы любім Эўропу і патрабуем любові, свабоды, пераменаў і далучэньня Беларусі да эўрапейскай супольнасьці”.
У 1997-98 гадах акцыі абмяжоўваліся наведваньнем амбасадаў. У 1999 годзе актывіст “Маладога фронту” Яўген Скочка на вуліцы Варвашэні зрабіў імправізаваны фэервэрк з пэтардаў. Яго затрымалі і пакаралі годам зьняволеньня ўмоўна. У 2000 годзе ўлады першы і апошні раз дазволілі правядзеньне акцыі. У 2001-ым моладзь прайшла ад плошчы Свабоды да плошчы Перамогі. Там амапаўцы затрымалі некалькі чалавек. У 2002-ім на праспэкце каля вуліцы Дарашэвіча затрымалі каля двух дзесяткаў чалавек. Некаторых моцна зьбілі у часе затрыманьня. У 2003 годзе каля Акадэміі навук міліцыянты затрымалі Паўла Севярынца і Артура Фінькевіча. Артуру тады толькі споўнілася 18 гадоў, і ён упершыню трапіў за краты. Пазьней улады сталі рыхтавацца да 14 лютага. У 2004 годзе плошчу Свабоды перакрылі і ўсіх затрымлівалі на падыходах. У 2005 абышлося без затрыманьняў, бо акцыю правялі на Кастрычніцкай плошчы – моладзь сьпявала Эўрапейскі гімн. Летась напярэдадні прэзыдэнцкіх выбараў маладафронтаўцы вулічную акцыю не праводзілі. Яны ладзілі канцэрт у адной зь менскіх школ.
Сёньняшняя акцыя пачнецца ў 18 гадзінаў на плошчы Свабоды.
Сёньня заплянавана тэатральнае шоў. Сябры “Маладога фронту” лічаць, што менчукам акцыя спадабаецца. Гаворыць Маргарыта Савановіч.
Савановіч: “Гэта будзе сапраўднае касьцюмаванае шоў. Праграма ўключае шмат цікавых мерапрыемстваў. Асабліва гэта будзе цікава моладзі, бо менавіта моладзь жадае свабоды, каханьня, жадае, каб хутчэй прыйшла вясна, цяплыні і сьветлых пачуцьцяў”.
Актывіст “Маладога фронту” Барыс Гарэцкі.
Гарэцкі: “Гэта якраз такое моладзевае сьвята, якое “Малады фронт” успрымае не як дзень каханьня, ці там нейкія пацалункі ў сквэрыку, а сапраўдны дзень любові да нашай краіны, дзень любові да Эўропы. Мы ставімся да гэтага сьвята праз прызму таго, што мы любім Беларусь, мы любім Эўропу і патрабуем любові, свабоды, пераменаў і далучэньня Беларусі да эўрапейскай супольнасьці”.
У 1997-98 гадах акцыі абмяжоўваліся наведваньнем амбасадаў. У 1999 годзе актывіст “Маладога фронту” Яўген Скочка на вуліцы Варвашэні зрабіў імправізаваны фэервэрк з пэтардаў. Яго затрымалі і пакаралі годам зьняволеньня ўмоўна. У 2000 годзе ўлады першы і апошні раз дазволілі правядзеньне акцыі. У 2001-ым моладзь прайшла ад плошчы Свабоды да плошчы Перамогі. Там амапаўцы затрымалі некалькі чалавек. У 2002-ім на праспэкце каля вуліцы Дарашэвіча затрымалі каля двух дзесяткаў чалавек. Некаторых моцна зьбілі у часе затрыманьня. У 2003 годзе каля Акадэміі навук міліцыянты затрымалі Паўла Севярынца і Артура Фінькевіча. Артуру тады толькі споўнілася 18 гадоў, і ён упершыню трапіў за краты. Пазьней улады сталі рыхтавацца да 14 лютага. У 2004 годзе плошчу Свабоды перакрылі і ўсіх затрымлівалі на падыходах. У 2005 абышлося без затрыманьняў, бо акцыю правялі на Кастрычніцкай плошчы – моладзь сьпявала Эўрапейскі гімн. Летась напярэдадні прэзыдэнцкіх выбараў маладафронтаўцы вулічную акцыю не праводзілі. Яны ладзілі канцэрт у адной зь менскіх школ.
Сёньняшняя акцыя пачнецца ў 18 гадзінаў на плошчы Свабоды.
