“У Беларусі будзе круглы стол?” – артыкул з такім загалоўкам зьмяшчае “Gazeta Wyborcza”. У матэрыяле падрабязна расказваецца пра ініцыятыву Аляксандра Мілінкевіча, які заклікаў улады да “талакі ў імя Беларусі” і пагадзіўся выкарыстаць свой аўтарытэт на міжнароднай арэне, каб сярод іншага дапамагчы ў паляпшэньні дачыненьняў з Захадам.
Штодзёньнік падкрэсьлівае, што Мілінкевіч пасьля выкананьня ўладамі акрэсьленых умоваў (перадусім дэмакратызацыі грамадзкага жыцьця) паабяцаў “асабіста зьвярнуцца да заходніх краінаў з заклікам аднавіць эканамічныя і палітычныя кантакты зь Беларусьсю”.
Між тым і “Gazeta Wyborcza”, і шэраг іншых польскіх мэдыяў адзначаюць, што Аляксандар Лукашэнка “адкідае магчымасьць дэмакратычных пераменаў у Беларусі, якіх дамагаецца ад Менску Эўрапейскі Зьвяз”.
“Прыціснуты да сьцяны падвышэньнем цэнаў расейскіх энэрганосьбітаў, Лукашэнка хоча знайсьці саюзьнікаў на Захадзе. Аднак у інтэрвію для агенцтва “Reuters” беларускі дыктатар заявіў, што немагчыма выканаць патрабаваньні забясьпечыць свабоду слова, справядлівыя выбары ці вызваліць палітвязьняў. А менавіта такія захады зьяўляюцца умовай для пачатку працэсу збліжэньня Эўразьвязу зь Менскам”, – пішуць польскія мэдыі.
Штодзёньнік падкрэсьлівае, што Мілінкевіч пасьля выкананьня ўладамі акрэсьленых умоваў (перадусім дэмакратызацыі грамадзкага жыцьця) паабяцаў “асабіста зьвярнуцца да заходніх краінаў з заклікам аднавіць эканамічныя і палітычныя кантакты зь Беларусьсю”.
Між тым і “Gazeta Wyborcza”, і шэраг іншых польскіх мэдыяў адзначаюць, што Аляксандар Лукашэнка “адкідае магчымасьць дэмакратычных пераменаў у Беларусі, якіх дамагаецца ад Менску Эўрапейскі Зьвяз”.
“Прыціснуты да сьцяны падвышэньнем цэнаў расейскіх энэрганосьбітаў, Лукашэнка хоча знайсьці саюзьнікаў на Захадзе. Аднак у інтэрвію для агенцтва “Reuters” беларускі дыктатар заявіў, што немагчыма выканаць патрабаваньні забясьпечыць свабоду слова, справядлівыя выбары ці вызваліць палітвязьняў. А менавіта такія захады зьяўляюцца умовай для пачатку працэсу збліжэньня Эўразьвязу зь Менскам”, – пішуць польскія мэдыі.