Сёньня газэта “Наша слова” паведамляе пра рашэньні Рады Таварыства беларускай мовы. Друкуецца плян працы грамадзкай арганізацыі ў 2007 годзе, пастанова аб сьвяткаваньні 450-х угодкаў з дня нараджэньня Льва Сапегі, заява ў падтрымку часопісу “Роднае слова”.
Таксама тыднёвік “Наша слова” інфармуе чытачоў пра перамовы ТБМ зь міністэрствамі адукацыі і інфармацыі. Слова рэдактару выданьня Станіславу Судніку:
Суднік: “Міністэрства адукацыі адбіваецца, каб беларускую мову не вывучалі студэнты ўнівэрсытэтаў. Але адбівацца ведамству ўсё цяжэй і цяжэй. Мажліва, “дадушым”. А Міністэрства інфармацыі адбіваецца, каб не выдаваць беларускія календары да 125-годзьдзя Якуба Коласа і Янкі Купалы”.
На Магілёўшчыне са сьпісу базавых гаспадарак выкінуты былы калгас “ХХІІ зьезд КПСС”. Паведамленьне пра гэта ў газэце “Вольны горад” суправаджае колішні здымак кіраўніцы ўправы прэзыдэнта Галіны Жураўковай і мясцовага старшыні Мікалая Супранецкага. Журналіст Сяргей Няроўны лічыць, што ўлада падтрымлівала ліпавых перадавікоў:
Няроўны: “Калі 60 гадоў споўнілася Супранецкаму, яго адправілі на пэнсію. А літаральна празь месяц кантроль накапаў там столькі ўсяго! У тым ліку прыпісак: збожжа 1500 тон, сіласу і сенажу – 8 000 тон, 100 тон малака”.
Упершыню ў нашым аглядзе сёньня незалежнае выданьне “Ўзгорак”, якое ў горадзе Горкі рэдагуе Эдуард Брокараў:
Брокараў: “Нягледзячы на тое, што больш жорсткімі сталі пакараньні за п’янства за рулём, за апошні тыдзень у Горках было затрымана 8 чалавек, а год таму – 5. Атрымліваецца, чым больш жорсткія пакараньні, тым чамусьці больш п’юць за рулём”.
Эдуард Брокараў таксама паведаміў, што ад пачатку году шафёрскія правы страцілі ўжо больш як 20 тамтэйшых жыхароў.
Таксама тыднёвік “Наша слова” інфармуе чытачоў пра перамовы ТБМ зь міністэрствамі адукацыі і інфармацыі. Слова рэдактару выданьня Станіславу Судніку:
Суднік: “Міністэрства адукацыі адбіваецца, каб беларускую мову не вывучалі студэнты ўнівэрсытэтаў. Але адбівацца ведамству ўсё цяжэй і цяжэй. Мажліва, “дадушым”. А Міністэрства інфармацыі адбіваецца, каб не выдаваць беларускія календары да 125-годзьдзя Якуба Коласа і Янкі Купалы”.
На Магілёўшчыне са сьпісу базавых гаспадарак выкінуты былы калгас “ХХІІ зьезд КПСС”. Паведамленьне пра гэта ў газэце “Вольны горад” суправаджае колішні здымак кіраўніцы ўправы прэзыдэнта Галіны Жураўковай і мясцовага старшыні Мікалая Супранецкага. Журналіст Сяргей Няроўны лічыць, што ўлада падтрымлівала ліпавых перадавікоў:
Няроўны: “Калі 60 гадоў споўнілася Супранецкаму, яго адправілі на пэнсію. А літаральна празь месяц кантроль накапаў там столькі ўсяго! У тым ліку прыпісак: збожжа 1500 тон, сіласу і сенажу – 8 000 тон, 100 тон малака”.
Упершыню ў нашым аглядзе сёньня незалежнае выданьне “Ўзгорак”, якое ў горадзе Горкі рэдагуе Эдуард Брокараў:
Брокараў: “Нягледзячы на тое, што больш жорсткімі сталі пакараньні за п’янства за рулём, за апошні тыдзень у Горках было затрымана 8 чалавек, а год таму – 5. Атрымліваецца, чым больш жорсткія пакараньні, тым чамусьці больш п’юць за рулём”.
Эдуард Брокараў таксама паведаміў, што ад пачатку году шафёрскія правы страцілі ўжо больш як 20 тамтэйшых жыхароў.
