Лінкі ўнівэрсальнага доступу

Пакуль невядома, дзе знаходзяцца Алег Корбан і Зьміцер Хведарук


Любоў Лунёва, Менск Сябры незарэгістраванай арганізацыі “Малады фронт” сёньня чакаюць ля будынкаў судоў Савецкага і Партызанскага раёнаў Менску, калі прывязуць Алега Корбана і Зьмітра Хведарука. Хлопцаў затрымалі ўчора супрацоўнікі міліцыі. Зьмітра Хведарука – на вуліцы Цнянскай падчас паседжаньня цэнтральнай рады арганізацыі, а Алега Корбана -- ва ўласнай кватэры, калі ён сьвяткаваў свой дзень народзінаў.

Паплечнікі Алега і Зьмітра ня ведаюць дакладна іх месца знаходжаньня. Калі на іх не склалі адміністрацыйныя пратаколы, то супраць іх можа быць заведзеная крымінальная справа за ўдзел у незарэгістраванай арганізацыі.

Нагадаю, што менавіта за гэта суд прысудзіў лідэра “Маладога фронту” Зьмітра Дашкевіча да 1.5 гадоў зьняволеньня. Чатыры актывісты незарэгістраванай арганізацыі “Партнэрства” ўжо адбылі пакараньне паводле гэтага артыкулу.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG