У.Пуцін: “Мы не абавязаныя фундаваць эканомікі іншых краінаў” (аўдыё)

Радыё Свабода У Маскве працягваецца прэсавая канфэрэнцыя расейскага прэзыдэнта Ўладзімера Пуціна. Адказваючы на пытаньне, якія дзяржавы робяць з Расеі вобраз ворага, ці ёсьць у гэтым пераліку ЗША й Вялікая Брытанія, расейскі лідэр заявіў: “Нам увесь час навязваюць тэзу пра тое, што Расея выкарыстоўвае свае магчымасьці для дасягненьня сваіх зьнешнепалітычных мэтаў. Гэта ня так. Расейская Фэдэрацыя цалкам выконвала й мае намер выконваць свае абавязаньні. Але мы не абавязаныя фундаваць эканомікі іншых краінаў у вялізарных памерах, якія роўныя іхным бюджэтам. Гэтага ніхто ня робіць. Чаму гэта патрабуюць ад нас?.."