Як заявіў на паседжаньні кабінэту міністраў краіны кіраўнік МУС Рашыд Мерэдаў, дамоўленасьці наконт дэлегаваньня назіральнікаў былі дасягнутыя з прадстаўнікамі АБСЭ і шэрагам іншых аўтарытэтных міжнародных арганізацый.
У часы кіраваньня прэзыдэнта Сапармурата Ніязава для кантролю за правядзеньнем выбараў усіх узроўняў у краіну не дапускалі замежных назіральнікаў. Фармальна кантроль ажыцьцяўлялі прадстаўнікі Туркмэнскага нацыянальнага інстытуту правоў чалавека, адзінай у краіне Дэмакратычнай партыі ды іншых грамадзкіх арганізацыяў.
За хадой цяперашніх выбараў будуць назіраць і мясцовыя назіральнікі. Цэнтральная камісія ў справе правядзеньня выбараў і рэфэрэндумаў зацьвердзіла сьпіс нацыянальных назіральнікаў, якія будуць ажыцьцяўляць поўны маніторынг усіх этапаў выбарчага працэсу.
На выбарчых участках будуць усталяваныя празрыстыя скрыні для галасаваньня.
Выбары ў Туркмэністане былі прызначаныя ў сувязі з раптоўнай сьмерцю ў сьнежні летась першага і пажыцьцёвага прэзыдэнта краіны Сапармурата Ніязава. На пасаду кіраўніка краіны прэтэндуюць шасьцёра кандыдатаў, у тым ліку часовы выканаўца абавязкаў прэзыдэнта Гурбангулы Бердымухамэдаў.
У часы кіраваньня прэзыдэнта Сапармурата Ніязава для кантролю за правядзеньнем выбараў усіх узроўняў у краіну не дапускалі замежных назіральнікаў. Фармальна кантроль ажыцьцяўлялі прадстаўнікі Туркмэнскага нацыянальнага інстытуту правоў чалавека, адзінай у краіне Дэмакратычнай партыі ды іншых грамадзкіх арганізацыяў.
За хадой цяперашніх выбараў будуць назіраць і мясцовыя назіральнікі. Цэнтральная камісія ў справе правядзеньня выбараў і рэфэрэндумаў зацьвердзіла сьпіс нацыянальных назіральнікаў, якія будуць ажыцьцяўляць поўны маніторынг усіх этапаў выбарчага працэсу.
На выбарчых участках будуць усталяваныя празрыстыя скрыні для галасаваньня.
Выбары ў Туркмэністане былі прызначаныя ў сувязі з раптоўнай сьмерцю ў сьнежні летась першага і пажыцьцёвага прэзыдэнта краіны Сапармурата Ніязава. На пасаду кіраўніка краіны прэтэндуюць шасьцёра кандыдатаў, у тым ліку часовы выканаўца абавязкаў прэзыдэнта Гурбангулы Бердымухамэдаў.
