“Комсомольская правда в Белоруссии» дасьледуе, якія дакумэнты можна атрымаць у так званым «адным акне» дзяржаўных установаў. Друкуецца сьпіс, кошт і час афармленьня патрэбных папераў. Газэта нагадвае: «каб вашы правы не парушалі, іх трэба добра ведаць».
У Шклоўскім раёне дзяржкантралёры выявілі прыпіскі. Як паведамляе незалежная газэта “Шклоўскія навіны”, у справаздачы за мінулы год лічба ўраджаю збожжа несапраўдная. Слова рэдактару выданьня Аляксандру Шчэрбаку:
Шчэрбак: “Раней статыстыка паведаміла, што ў раёне намалацілі 104 тысячы тон. А праз некаторы час высьвятляецца, што быццам бы было не 104 тысячы тон, а 120 тысяч тон. Прыпісалі амаль 16 тысяч тон збожжа, якое нібыта было намалочана на прыватных падворках. З гэтым паказчыкам Шклоўскі раён выйшаў у вобласьці на першае месца. Хто і як лічыў – ніхто ня ведае”.
Сёньня “Газэта Слонімская” паведамляе, што пачынаюцца працы на будаўніцтве новага водазабору. “Нарэшце, – піша выданьне, – зьявіліся спадзяваньні, што палепшыцца якасьць пітной вады”. Журналісты канстатуюць: “на сёньня хімічны склад вады ў горадзе не адпавядае стандартам якасьці”.
Таксама “Газэта Слонімская” даведалася, што Міністэрства абароны адмаўляецца ад права ўласнасьці на будынак Дому афіцэраў у райцэнтры. “Пасьля неабходнай рэканструкцыі тут будзе ЗАГС”, – удакладняе выданьне.
Хто нішчыць у Слоніме татарскія могілкі? Аўтар артыкула з такой назвай Сяргей Чыгрынаў гаворыць пра разбурэньне пяці помнікаў на пагосьце мусульманскай абшчыны:
Чыгрынаў: “Крымінальная справа заведзеная, пошукі працягваюцца. Але я мала веру ў тое, што вандалы будуць адшуканыя. Вандалізм у Слоніме адбываецца ня першы раз. Раней мячэць у Слоніме расьпісалі непрыстойнымі знакамі. Пасьля раскапалі некалькі магілаў на татарскіх могілках. Але і тады вандалы не былі адшуканыя”.
Татары ў Слоніме жывуць ад ХIV стагодзьдзя. Тады вялікі князь літоўскі Міхал Казімер Агінскі лічыў татараў лепшымі ахоўнікамі сваёй рэзыдэнцыі.
У Шклоўскім раёне дзяржкантралёры выявілі прыпіскі. Як паведамляе незалежная газэта “Шклоўскія навіны”, у справаздачы за мінулы год лічба ўраджаю збожжа несапраўдная. Слова рэдактару выданьня Аляксандру Шчэрбаку:
Шчэрбак: “Раней статыстыка паведаміла, што ў раёне намалацілі 104 тысячы тон. А праз некаторы час высьвятляецца, што быццам бы было не 104 тысячы тон, а 120 тысяч тон. Прыпісалі амаль 16 тысяч тон збожжа, якое нібыта было намалочана на прыватных падворках. З гэтым паказчыкам Шклоўскі раён выйшаў у вобласьці на першае месца. Хто і як лічыў – ніхто ня ведае”.
Сёньня “Газэта Слонімская” паведамляе, што пачынаюцца працы на будаўніцтве новага водазабору. “Нарэшце, – піша выданьне, – зьявіліся спадзяваньні, што палепшыцца якасьць пітной вады”. Журналісты канстатуюць: “на сёньня хімічны склад вады ў горадзе не адпавядае стандартам якасьці”.
Таксама “Газэта Слонімская” даведалася, што Міністэрства абароны адмаўляецца ад права ўласнасьці на будынак Дому афіцэраў у райцэнтры. “Пасьля неабходнай рэканструкцыі тут будзе ЗАГС”, – удакладняе выданьне.
Хто нішчыць у Слоніме татарскія могілкі? Аўтар артыкула з такой назвай Сяргей Чыгрынаў гаворыць пра разбурэньне пяці помнікаў на пагосьце мусульманскай абшчыны:
Чыгрынаў: “Крымінальная справа заведзеная, пошукі працягваюцца. Але я мала веру ў тое, што вандалы будуць адшуканыя. Вандалізм у Слоніме адбываецца ня першы раз. Раней мячэць у Слоніме расьпісалі непрыстойнымі знакамі. Пасьля раскапалі некалькі магілаў на татарскіх могілках. Але і тады вандалы не былі адшуканыя”.
Татары ў Слоніме жывуць ад ХIV стагодзьдзя. Тады вялікі князь літоўскі Міхал Казімер Агінскі лічыў татараў лепшымі ахоўнікамі сваёй рэзыдэнцыі.
