Лінкі ўнівэрсальнага доступу

А.Лукашэнка: Масква патрабуе ад Беларусі ўваходжаньня ў склад Расеі


Валер Каліноўскі, Менск Сёньня на выбарчым участку ў Менску Аляксандар Лукашэнка зрабіў сваю ацэнку нафтавага крызысу паміж Беларусьсю і Расеяй.

Лукашэнка : “З гэтых перамоваў і кансультацыяў я зразумеў, што ў нас розныя падыходы і разуменьне саюзнай дзяржавы. Саюз павінен будавацца на прынцыпах роўнапраўя. Мы ніклолі не казалі пра магчымасьць уваходжаньня нашай краіны ў Расейскую Федэрацыю. Гэта ў галовах вышэйшага кіраўніцтва Расеі, якое патрабауе ад нас уваходжаньня ў склад Расеі. Я не хачу пахаваць сувэрэнітэт і незалежнасьць краіны як першы прэзыдэнт Беларусі”.

Гаворачы пра саюзьніцкія дачыненьні з Расеяй А.Лукашэнка заявіў:

Лукашэнка: “Калі Расея кожны год будзе хапацца за вентыль і адключаць свайму саюзьніку то газ, то нафту, ніякай размовы пра сюзную дзяржаву быць ня можа”.

Тым не меней спадар Лукашэнка мяркуе, што крызысны пэрыяд у адносінах з Расеяй у гандлёва-эканамічнай сфэры прайшоў.

Лукашэнка: “Ён быў кароткім, але вельмі інтэнсыўным і небясьпечным. Расейскі бок дзейнічае з пазыцыі сілы, ведаючы, што гэта беспакарана”.

Аляксандар Лукашэнка заявіў таксама, што калі ціск з боку Расеі будзе працягвацца, Беларусь увядзе плату за зямлю пад нафтаправодам. Паводле ягоных словаў, такі крок ня будзе супярэчыць міжнароднаму праву.

Разам з гэтым спадар Лукашэнка назваў “самым дурацкім” у гісторыі Расеі Паўночна-эўрапейскі газаправод па дне Балтыкі, паколькі той ідзе па боепрыпасах часоў Другой усясьветнай вайны, якія там ляжаць.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG