Вайтовіч: “Лукашэнка павёў сябе неадэкватна ва ўсіх гэтых падзеях з нафтай і газам. Зусім неадэкватна. Ён, мабыць, увайшоў у такі ўзбуджаны стан, што не ацэньваў цьвяроза, што робіць. Гэта зь ім вельмі часта здараецца. Прыкладам казаць: пра Скарыну ў Пецярбургу й г.д.
А па-другое, ён такім чынам хацеў сыграць ролю крутога хлопца. І гэта ўжо гульня для нашага ўнутранага спажываньня: вось я такі круты, і зараз я так крутану -- я гэтую Расею на калені пастаўлю. Імідж ягоны паблякнуў пасьля таго, як давялося падпісаць газавае пагадненьне. Колькі б ні казалі, які ён вялікі чалавек, але ж падпісаў на невыгодных для Беларусі ўмовах.
Лукашэнка хацеў прыўзьняць свой імідж: глядзіце, які я круты хлопец: паказваю “кузькіну маць” нашаму вялікаму суседу”.