Лінкі ўнівэрсальнага доступу

Расейскую нафту празь Беларусь пампуюць як і раней


Радыё Свабода Прадпрыемства “Гомельтранснафта Дружба” ажыцьцяўляе транзыт расейскай нафты ў заплянаваным аб’ёме. Пра гэта паведамляюць афіцыйныя інфармацыйныя крыніцы са спасылкай на галоўнага інжынэра прадпрыемства Аляксандра Бардоўскага. Зь ягоных словаў, “Гомельтранснафта Дружба” працуе, як і раней, і забясьпечвае неабходныя ўмовы для прапампоўваньня экспартных аб’ёмаў расейскай нафты.

Спадар Бардоўскі адзначыў, што на нафтатранспартнае прадпрыемства пакуль не паступала дадатковых інструкцыяў наконт працы ў зьвязку з увядзеньнем ад 1 студзеня мыта на транспартаваньне расейскай нафты праз тэрыторыю Беларусі.

Галоўны інжынэр прадпрыемства таксама паведаміў, што з расейскай кампаніяй “Транснафта” раней узгодненыя студзеньскія аб’ёмы нафты, якія пройдуць праз “Гомельтранснафта Дружба”. Яны адпавядаюць леташнім сярэднемесячным паказьнікам, паведамляе БелаПАН.
Ігар Лосік Кацярына Андрэева Ірына Слаўнікава Марына Золатава
XS
SM
MD
LG