Ізраільскі ўрад сёньня абвясьціў, што ўхваліў далучэньне краіны да Эўрапейскай арганізацыі ядзерных дасьледаваньняў. Раней у Ізраіля быў статус адмысловага назіральніка ў гэтай арганізацыі, якая найбольш вядомая, дзякуючы так званаму “Вялікаму адроннаму каляйдэру”, разьмешчанаму ў тунэлі на мяжы Францыі і Швайцарыі. На гэтым абсталяваньні вядуцца экспэрымэнты па дасьледаваньні найдрабнейшых часьцінак матэрыі.