У КНДР арыштаваны грамадзянін ЗША

Улады Паўночнай Карэі заявілі, што арыштавалі грамадзяніна ЗША і рыхтуюцца выставіць яму абвінавачаньні. Пра якое злачынства вядзецца гаворка, не паведамляецца. Паўночнакарэйскае дзяржаўнае агенцтва інфармуе, што Юн Ён Су, арыштаваны ў лістападзе, прызнаў сваю віну.

Раней на гэтым тыдні Дзярждэпартамэнт ЗША заявіў, што ў Паўночнай Карэі арыштаваны амэрыканскі грамадзянін і заклікаў вызваліць яго зь меркаваньняў гуманнасьці.