Лібійскі лідэр Муамар Кадафі прыняў плян мірнага ўрэгуляваньня, прапанаваны Афрыканскім Саюзам
Пра гэта ў нядзелю паведаміў прэзыдэнт Паўднёва-Афрыканскай рэспублікі Джойкоб Зума, які ўваходзіць у склад дэлегацыі, якая ў Трыпалі вядзе перамовы з Кадафі.
Цяпер прадстаўнікі Афрыканскага Саюзу накіруюцца ў Бенгазі, на сустрэчы з кіраўніцтвам лібійскіх паўстанцаў.
Плян прадугледжвае неадкладнае спыненьне агню, допуск гуманітарных місій ў зону канфлікту і пачатак мірных перамоваў паміж бакамі.