Лінкі ўнівэрсальнага доступу

Горацкі прадпрымальнік выйшаў зь плякатам да ПМК


Андрэй Бажко, архіўнае фота
Прадпрымальнік Андрэй Бажко з дапамогай галадоўкі і пікета спрабуе дамагчыся выплаты паўгадавой запазычанасьці ягонаму прыватнаму прадпрыемству “МБА Клеапатра+”ад горацкага ПМК №1.

Сёньня ад раніцы Бажко стаіць зь плякатам ля уваходу ў адміністрацыйны будынак ПМК.

Кіраўнік дзяржаўнага прадпрыемства не адказвае на тэлефанаваньні, хоць знаходзіцца ў сваім кабінэце. Зранку з ім сустракалася рэдактар незалежнай горацкай газэты “Узгорак”. Яна пацьвярджае, што той ігнаруе званкі. Паводле журналісткі, кіраўнік ПМК акцыю прадпрымальніка называе дзіцячай забавай, але прызнае запазычанасьць. Абяцае выплаціць, калі зьявяцца грошы.

У аддзеле эканомікі Горацкага райвыканкаму пра патрабаваньні прадпрымальніка ня ведаюць. Ня ведаюць і пра пікет. Абяцаюць разабрацца. Тым часам сам Андрэй Бажко зьбіраецца скардзіцца ў пракуратуру.

Прыватнае прадпрыемства “МБА Клеапатра+”, паводле Андрэя Бажка, выконвала працы на ўмовах субпадраду з ПМК ў акцыянэрным таварыстве “Александрыйскае”,– рабіла ўнутранае аздабленьне катэджаў. Прадпрымальнік цьвердзіць, што кіраўніцтва ПМК аргумэнтуе нявыплату сродкаў тым, што зь ім не разьлічылася “Александрыйскае”.

Глядзець камэнтары (2)

Гэтая дыскусія закрытая.
XS
SM
MD
LG