31 сакавіка Канстытуцыйны суд Беларусі пачне высьвятляць, ці адпавядае польскі закон "Аб карце паляка" міжнароднаму праву.
"Суд сёньня распачаў вывучэньне пытаньня, невядома, колькі часу спатрэбіцца для прыняцьця рашэньня", – паведамілі "Інтэрфаксу" ў КС.
Там адзначылі, што "ўпершыню ў сваёй дзейнасьці Канстытуцыйны суд павінен будзе выкласьці сваю пазыцыю наконт дакумэнту, прынятага замежнай дзяржавай".
У лютым Палата прадстаўнікоў пастанавіла зьвярнуцца ў КС, каб вызначыць, ці адпавядае польскі закон "Аб карце паляка" агульнапрызнаным прынцыпам і нормам міжнароднага права.
Старшыня Палаты прадстаўнікоў Уладзімер Андрэйчанка, заявіў, што "гэтая праблема (польскі закон "Аб карце паляка") закранае цэлы шэраг напрамкаў беларуска-польскага ўзаемадзеяньня. У закон Рэспублікі Польшчы "Аб карце паляка" закладзены палажэньні, якія супярэчаць міжнародным нормам і не адпавядаюць прынцыпам добрасуседзтва".
7 верасьня 2007 году парлямэнт Польшчы прыняў закон "Аб карце паляка", які пачаў дзейнічаць 31 сакавіка 2008 г. Карта пацьвярджае прыналежнасьць этнічных палякаў, якія жывуць у СНД і Прыбалтыцы, да польскага народу і дае ім ільготы ў афармленьні візаў пры наведваньні Польшчы, гарантуе падтрымку пры вядзеньні бізнэсу, працаўладкаваньні і паступленьні на вучобу ў Польшчы.
Улады Беларусі неаднаразова крытыкавалі практыку распаўсюджваньня "карты паляка", вінавацячы Польшчу ў парушэньні міжнароднага права.
"Суд сёньня распачаў вывучэньне пытаньня, невядома, колькі часу спатрэбіцца для прыняцьця рашэньня", – паведамілі "Інтэрфаксу" ў КС.
Там адзначылі, што "ўпершыню ў сваёй дзейнасьці Канстытуцыйны суд павінен будзе выкласьці сваю пазыцыю наконт дакумэнту, прынятага замежнай дзяржавай".
У лютым Палата прадстаўнікоў пастанавіла зьвярнуцца ў КС, каб вызначыць, ці адпавядае польскі закон "Аб карце паляка" агульнапрызнаным прынцыпам і нормам міжнароднага права.
Старшыня Палаты прадстаўнікоў Уладзімер Андрэйчанка, заявіў, што "гэтая праблема (польскі закон "Аб карце паляка") закранае цэлы шэраг напрамкаў беларуска-польскага ўзаемадзеяньня. У закон Рэспублікі Польшчы "Аб карце паляка" закладзены палажэньні, якія супярэчаць міжнародным нормам і не адпавядаюць прынцыпам добрасуседзтва".
7 верасьня 2007 году парлямэнт Польшчы прыняў закон "Аб карце паляка", які пачаў дзейнічаць 31 сакавіка 2008 г. Карта пацьвярджае прыналежнасьць этнічных палякаў, якія жывуць у СНД і Прыбалтыцы, да польскага народу і дае ім ільготы ў афармленьні візаў пры наведваньні Польшчы, гарантуе падтрымку пры вядзеньні бізнэсу, працаўладкаваньні і паступленьні на вучобу ў Польшчы.
Улады Беларусі неаднаразова крытыкавалі практыку распаўсюджваньня "карты паляка", вінавацячы Польшчу ў парушэньні міжнароднага права.
