Лінкі ўнівэрсальнага доступу

У БНФ пакуюць рэчы. Кіраўніцтва партыі вырашыла вывезьці частку партыйнай маёмасьці зь сядзібы на праспэкце Машэрава, 8 — былой вуліцы Варвашэні. У партыі адбіраюць гэты офіс. Камунальная служба Савецкага раёну Менску адмовілася працягнуць дамову арэнды з 1 красавіка гэтага году. Аднак лідэры партыі заяўляюць, што добраахвотна сваю сядзібу не пакінуць.

Янукевіч: "Гэта падрыхтоўка да абароны"
пачакайце

No media source currently available

0:00 0:02:15 0:00
Наўпроставы лінк


Мастак Аляксей Марачкін прыйшоў на сядзібу партыі БНФ, каб забраць свае карціны, падрыхтаваныя на выставу да Дня Волі 25 сакавіка і забароненыя для паказу ў Палацы мастацтва. Зараз даводзіцца зьяжджаць і адгэтуль, кажа спадар Марачкін:

«На вялікі жаль, забіраем гэтую выставу, невядома, дзе яна будзе. Гэтыя сьцены прызначаныя для таго, каб тут рабіць выставы. Гэта сапраўды — выспа свабоды. Калі мы пазбавімся яе, то, пэўна, толькі па майстэрнях здолеем рабіць выставы».

Партыйцы вывезьлі зь сядзібы архівы, дакумэнты, частку тэхнікі і мэблі. Аднак гэта нельга назваць высяленьнем, кажа намесьнік старшыні партыі Ігар Лялькоў:
Натуральна, што мы рыхтуемся да розных варыянтаў разьвіцьця падзеяў, і таму тыя рэчы, якія мы лічым каштоўнымі, мы вывезьлі і схавалі ў надзейным месцы.

«Натуральна, што мы рыхтуемся да розных варыянтаў разьвіцьця падзеяў, і таму тыя рэчы, якія мы лічым каштоўнымі, мы вывезьлі і схавалі ў надзейным месцы. Але па сваёй волі мы адсюль ня сыдзем».

Выносіць рэчы з партыйнай сядзібы прыйшлі дапамагчы валянтэры зь ліку беспартыйнай, але ідэйнай беларускай моладзі. Яны кажуць, што засмучаныя пэрспэктывай страціць месца спатканьняў на сядзібе партыі БНФ:

«Мяне завуць Яўген. Я думаю, што з гэтых памяшканьняў сыходзіць цэлая эпоха. Што будзе потым — невядома, але мне падаецца, што гэты культурны і духоўны цэнтар адновіцца, магчыма, ня ў гэтым памяшканьні, але дзесьці ў цэнтры Менску».

Актывістка партыі БНФ Ірына Сьмяян-Семянюк перакананая, што грамадзянскія акцыі і культурныя імпрэзы сталіся галоўнай прычынай выгнаньня зь сядзібы, якую партыя займала 18 год:

«Тут зьбіраюцца людзі, якіх нешта яднае: нейкая праблема ці нейкая ідэя. Да прыкладу, пасьля выбараў адбылася магутная акцыя салідарнасьці. На маю думку, гэта і сталася падставаю для таго, каб зьнішчыць нашу сядзібу і не было месца для людзей, якіх нешта яднае».

Кіраўніцтва партыі БНФ зьвярнулася ў Гаспадарчы суд Менску з пазовам супраць ЖРЭА Савецкага раёну Менску з абскарджаньнем адмовы на права арэнды сядзібы.

Ваша меркаваньне

Паказаць камэнтары

XS
SM
MD
LG