Паводле МУС, больш за 330 адзінак зброі грамадзяне здалі добраахвотна. Гэта каля 90% ад усёй незарэгістраванай зброі, якая трапіла да праваахоўных органаў з пачатку году, піша "Позірк".
З 19 па 23 кастрычніка ў Беларусі пройдзе асноўны этап штогадовай спэцыяльнай апэрацыі «Арсэнал». Міліцыянты будуць правяраць, у якіх умовах грамадзяне захоўваюць зарэгістраваныя пісталеты і стрэльбы. Асобную ўвагу, як заяўляе МУС, зьвернуць на пошук нелегальнай зброі, боепрыпасаў, выбуховых прыладаў і выбуховых рэчываў.
У МУС нагадалі, што людзі, якія добраахвотна перададуць органам унутраных справаў незаконна захоўваную зброю і боепрыпасы, цалкам вызваляюцца ад крымінальнай і адміністрацыйнай адказнасьці.
За незаконныя дзеяньні з агнястрэльнай зброяй, боепрыпасамі і выбуховымі рэчывамі беларускае заканадаўства прадугледжвае да 12 гадоў пазбаўленьня волі. За незаконныя дзеяньні з паляўнічай гладкаствольнай зброяй можна атрымаць да пяці гадоў зьняволеньня, з халоднай зброяй — да трох гадоў. За неналежнае захоўваньне легальнай агнястрэльнай зброі прадугледжана да двух гадоў абмежаваньня волі.
Форум