Дата дня
1988 — на сходзе ў Чырвоным касьцёле (тады — Дом кіно) у Менску створаныя таварыства «Мартыралёг Беларусі» і аргкамітэт Беларускага Народнага Фронту за перабудову «Адраджэньне».
1996 — у Менску прайшлі шэсьце і мітынг супраць ініцыяванага Лукашэнкам рэфэрэндуму. У той жа дзень пачаўся скліканы Лукашэнкам першы Ўсебеларускі народны сход.
Таксама ў гэты дзень
1453 — капітуляцыя ангельцаў у Бардо, канец Стагадовай вайны.
1813 — разгром арміі Напалеона ў «Бітве народаў» каля Ляйпцыгу, што прывяло да вызваленьня Нямеччыны і Галяндыі.
1960 — урад ЗША ўвёў амаль поўнае эмбарга на гандаль з Кубай.
У гэты дзень нарадзіліся
1816 — Максімільян Маркс, палітвязень царскіх часоў, ссыльны, дасьледнік Сібіры.
1862 — Агюст Люм’ер, адзін з пачынальнікаў кінэматографу, заснавальнік разам з братам Люі францускай кінаіндустрыі і кінарэжысуры.
1890 — Сяргей Палуян, беларускі літаратуразнаўца, публіцыст і празаік. Яму прысьвечаныя паэма «Курган» і верш Янкі Купалы «Памяці С. Палуяна», першы і апошні прыжыцьцёвы зборнік Максіма Багдановіча «Вянок».
1936 — Эдуард Гарачы, заслужаны артыст Беларусі, дысыдэнт, вязень Сібіру. У 1962 годзе яго асудзілі за «антысавецкую агітацыю» на два гады. пакараньне ён адбываў у Дубраўлагу ў Мардовіі. Пасьля вызваленьня вярнуўся да акторскай працы, а ў 1995 годзе атрымаў званьне заслужанага артыста Рэспублікі Беларусь.
1959 — Ірына Казуліна, жонка палітыка, навукоўца і грамадзкага дзеяча Аляксандра Казуліна.
У памяці
1745 — Джонатан Суіфт, англа-ірляндзкі пісьменьнік-сатырык, публіцыст, паэт і грамадзкі дзяяч.
1984 — Ежы Папялушка, польскі каталіцкі сьвятар, родам з Падляшша, забіты спэцслужбамі ПНР. Лічыўся адным з духоўных пастыраў арганізацыі «Салідарнасьць».
2021 — Антось Фурс, дзяяч беларускага нацыянальнага супраціву, сябра беларускай моладзевай падпольнай паваеннай арганізацыі Саюз беларускіх патрыётаў (СБП).
Форум