Паводле праекту бюджэту на 2027 год, іх будуць накіроўваць на адлоў бяздомных жывёлаў, а таксама ўтрыманьне і рамонт пляцовак для выгулу хатніх гадаванцаў.
Раней уладальнікі жывёлаў у сацыяльных сетках заклікалі ўлады выкарыстоўваць сабраныя сродкі для разьвіцьця інфраструктуры для сабак. Сёлета кантроль за рэгістрацыяй хатніх гадаванцаў і выплатай падатку ўзмацнілі. Сабак і катоў у Беларусі трэба рэгістраваць, а за парушэньне правілаў утрыманьня жывёлаў прадугледжаныя штрафы.
У 2027 годзе падатак на сабак плянуюць павысіць з 14 да 15 рублёў за квартал, а на сабак патэнцыйна небясьпечных пародаў — з 67 да 71 рубля.
Тым часам улады плянуюць сабраць у 2026 годзе больш за 310 мільёнаў рублёў штрафаў — у 2,3 раза больш, чым пяць гадоў таму.
Неабходнасьць рэгістрацыі катоў і сабак дзяржаўныя органы тлумачылі тым, што яна дапамагае «весьці ўлік жывёлаў» і «хутчэй знайсьці гаспадара, калі жывёліна згубіцца». Штрафы за брак рэгістрацыі — ад 45 да 675 рублёў. А калі адсутнасьць рэгістрацыі жывёлы прынесла шкоду — ад 450 да 1350 рублёў.
- Падатак на сабаку ў Беларусі налічваюць, калі жывёліне спаўняецца тры месяцы.
- Але ёсьць тыя, хто можа ўнікнуць сплаты падатку. Такія льготы атрымліваюць інваліды, якія маюць у валоданьні сабак-павадыроў, інваліды І, ІІ і ІІІ групаў. Ад сплаты падатку вызваляюцца таксама шматдзетныя сем’і, прыёмныя сем’і дзяцей-інвалідаў да 18 гадоў і грамадзяне, якія жывуць у аднакватэрных або ізаляваных памяшканьнях.
- Зарэгістраваць гадаванца можна пасьля звароту ў службу «адно акно» на месцы жыхарства з дакумэнтам, які сьведчыць асобу.
Форум