У Віцебску рэктар ВНУ залічаў няісных студэнтаў, каб выканаць плян, — пракуратура

Яго абвінавацілі ў перавышэньні службовых паўнамоцтваў. Справу ўжо перадалі ў суд, піша «Позірк».

Паводле матэрыялаў справы, «фіктыўныя студэнты» займалі бюджэтныя месцы на дзённай форме адукацыі, у тым ліку прызначаныя для мэтавай падрыхтоўкі.

Пасьля пачатку навучальнага году няісных студэнтаў адлічалі.

Паводле пракуратуры, былы рэктар нанёс «істотную шкоду дзяржаўным інтарэсам», бо

• сказіў статыстыку,
• сарваў дзяржзаказ на падрыхтоўку кадраў для аграпрамысловага комплексу, што паглыбіла дэфіцыт спэцыялістаў,
• папсаваў рэпутацыю ВНУ.

Зьвесткі пра падсуднага і ВНУ не раскрываюцца. Разам з тым, зь пяці віцебскіх ВНУ найбліжэйшая да аграпрамысловага профілю — Акадэмія вэтэрынарнай мэдыцыны.

ГЛЯДЗІЦЕ ТАКСАМА:

У Магілёўскім інстытуце МУС хацелі набраць 20 апэратыўніц, але заяву не падаў ніхто. Як праходзіць набор у сілавыя ВНУ

Сёлета ў беларускіх ВНУ шмат на якіх спэцыяльнасьцях зьнізіўся конкурс і прахадныя балы для абітурыентаў.

ГЛЯДЗІЦЕ ТАКСАМА:

Экспэрт Лаўрухін пра вынікі першага этапу ўступнай кампаніі: абітурыентаў палохае адпрацоўка і вайна